ლევან ხაბეიშვილი - მიუხედავად იმისა, რომ 40 დღეა სააკაშვილი შიმშილობს, მიუხედავად იმისა, რომ 30 ტურა დაესხა თავს, ვხედავთ, როგორ ვაჟკაცურად ცდილობს რეჟიმს წინააღმდეგობა გაუწიოს

მიუხედავად იმისა, რომ 40 დღეა ეს ადამიანი შიმშილობს, მიუხედავად იმისა, რომ 30 ტურა დაესხა თავს ფორმაში გამოწყობილი, ვხედავთ, როგორ ვაჟკაცურად ცდილობს რეჟიმს წინააღმდეგობა გაუწიოს, - ამის შესახებ „ნაციონალური მოძრაობის“ წევრი ლევან ხაბეიშვილი მიხეილ სააკაშვილის მე-18 სამკურნალო დაწესებულებში გადაყვანის კადრების შეფასებისას აცხადებს.

როგორც ხაბეიშვილი ამბობს, სააკაშვილის მიმართ განხორციელებული ქმედება სადიზმის გამოვლინებაა.

„ეს არის სადიზმის გამოვლინება, დანაშაულებრივი კადრები, რომელიც თავადვე გაავრცელა „რუსულმა ოცნებამ“. ცხადია, ჰქონდათ შიში, რომ ეს კადრები ისედაც გასაჯაროვდებოდა, ან სტრასბურგის სასამართლოსთვის მოუწევდათ გადაცემა. ვიხილეთ დაჩეხილი კადრები, სადაც ჩანს ძალადობის ფაქტი მიხეილ სააკაშვილზე. ჯერ გვიყვებოდნენ, რომ თავის ნებით გამოგვყვაო და გვაჩვენეს კადრები, ახლა გაავრცელეს, თუ როგორ ძალადობრივი გზით შეათრიეს მესამე პრეზიდენტი იქ, სადაც მას ეს არ სურდა. არა მარტო მას, ექიმების კონსილიუმიც ამბობდა, რომ ის იქ არ უნდა გადაეყვანათ და უნდა გადაეყვანათ მრავალპროფილურ საავადმყოფოში. ჩვენ ვნახეთ ძალადობის ფაქტები და მათ შორის, მიხეილ სააკაშვილის დამოკიდებულება. მინდა გავამხნეო მესამე პრეზიდენტი. მიუხედავად იმისა, რომ 40 დღეა ეს ადამიანი შიმშილობს, მიუხედავად იმისა, რომ 30 ტურა დაესხა თავს ფორმაში გამოწყობილი, ვხედავთ, როგორ ვაჟკაცურად ცდილობს რეჟიმს წინააღმდეგობა გაუწიოს. ეს კიდევ ერთხელ ადასტურებს მათ დამოკიდებულებას ადამიანის მიმართ, სახელმწიფოს მიმართ და კიდევ ერთი საჩუქარი გაუკეთეს რუსულ არხებს, ტელეკომპანია „იმედთან“ ერთად“, - განაცხადა ხაბეიშვილმა.

ცნობისთვის, სპეციალური პენიტენციური სამსახური მიხეილ სააკაშვილის გლდანის ციხის სამკურნალო დაწესებულებაში გადაყვანის კადრებს ასაჯაროებს.

კადრებში ჩანს, რომ მიხეილ სააკაშვილი უარს აცხადებს სასწრაფო დახმარების მანქანიდან გადმოსვლაზე, რის შემდეგაც ის რეანიმობილიდან იძულებით გადმოიყვანეს. კადრების მიხედვით, მიხეილ სააკაშვილს ციხის ადმინისტრაციის თანამშრომლები ხელებსა და ფეხებში ჰკიდებენ ხელს და სასწრაფოს მანქანიდან ციხის სამკურნალო დაწესებულების პალატამდე ამ მდგომარეობაში გადაჰყავთ. ვიდეოში ჩანს, რომ მიხეილ სააკაშვილი ტანსზემოთ შიშველია.

რაც შეეხება უშუალოდ პალატაში შეყვანის შემდეგ არსებულ სურათს, კადრების მიხედვით, მიხეილ სააკაშვილი ადმინისტრაციის თანამშრომლების მისამართით ჯერ სიტყვიერ აგრესიას გამოხატავს, შემდეგ კი ადგილი აქვს ფიზიკურ შეხლა-შემოხლასაც. გარდა ამისა, ვიდეოში ჩანს, რომ სააკაშვილმა ხელი ჰკრა და ძირს გადააგდო ერთ-ერთი სამედიცინო აპარატურა.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება