ქუთაისსა და მესტიას შორის რეგულარული ავიამიმოსვლა განახლდა

ქუთაისის საერთაშორისო აეროპორტში მესტიის თამარ მეფის სახელობის ადგილობრივი აეროპორტიდან ავიაკომპანია “აკ-ეარის” მსუბუქი სამგზავრო საჰაერო ხომალდი L 410-ი დაეშვა. საქართველოს აეროპორტების გაერთიანების ცნობით, მესტიასა და ქუთაისს შორის რეგულარული რეისები კვირაში ერთი სიხშირით შესრულდება.

საქართველოს აეროპორტების გაერთიანების შესყიდვების მონიტორინგის მენეჯერის, მარიამ ბახუტაშვილის განცხადებით, მოთხოვნიდან და საჰაერო ხომალდის დატვირთულობიდან გამომდინარე, რეისების რაოდენობა შესაძლოა ეტაპობრივად გაიზარდოს.

,,საქართველოს აეროპორტების გაერთიანება წლებია საქართველოში მოქმედ ადგილობრივ აეროპორტებში ადმინისტრირებას უწევს ქვეყნის შიგნით ავიარეისების შესრულებას. პანდემიის დაწყებისას, გარკვეული პერიოდი შეჩერდა, როგორც საერთაშორისო, ისე შიდა ფრენების შესრულება, თუმცა ეტაპობრივად ჩვენ მოვახერხეთ აღგვედგინა რეისები, მათ შორის მესტიის, ამბროლაურის და ბათუმის მიმართულებით.

დღეიდან კი, ქუთაისის საერთაშორისო აეროპორტის დატვირთვის პარალელურად, ჩვენ განვაახლეთ რეგულარული ავიამიმოსვლა მესტია-ქუთაისი-მესტიის მიმართულებითაც. ეს მიმართულება აქტიურად სრულდებოდა პანდემიამდე და პოპულარული იყო როგორც ადგილობრივ, ისე საერთაშორისო ვიზიტორებში“,-განაცხადა მარიამ ბახუტაშვილმა.

საქართველოს აეროპორტების გაერთიანების ცნობით, პანდემიის პირობებში, მესტიიდან პირველი ადგილობრივი რეისის მგზავრებს ქუთაისის განახლებული აეროპორტის ახალი გასასვლელი - ე.წ. გეითი მოემსახურა, რომელიც მხოლოდ ადგილობრივი ფრენებისთვის არის განკუთვნილი.

მათი განმარტებით, პირველი რეისის მგზავრებს, რომელთა უმეტესობა უცხოელები იყვნენ, ტრადიულად საქართველოს აეროპორტების გაერთიანების ორგანიზებით, სიმბოლური საჩუქრები დაურიგდათ.

,,დღეს შევასრულეთ მესტიიდან ქუთაისში რეისი. ეს იყო ჩემ მიერ შესრულებული პირველი ფრენა ქუთაისის საერთაშორისო აეროპორტში. ამინდში ძალიან გაგვიმართლა. ფრენისას ულამაზესი ხედი გვქონდა მთებზე. ქუთაისი არის დიდი საერთაშორისო აეროპორტი, გაცილებით მარტივი და უსაფრთხოა ჩვენთვის აქ დაშვება. საფრენი პირობები კარგი იყო. მესტიიდან ქუთაისამდე ფრენას დაახლოებით 30 წუთამდე მოვუნდით“,- განაცხადა ავიაკომპანია „აკ-ეარის“ მფრინავმა მარკეტა კოუშალოვამ.

საქართველოს აეროპორტების გაერთიანების ცნობით, მესტია-ქუთაისის მიმართულებით ავიაბილეთის ღირებულება უცვლელი, 50 ლარი რჩება. მათივე განმარტებით, 3 დან 12 წლამდე ბავშვებზე მოქმედებს 30 %-იანი ფასდაკლება. 0-3 წლამდე ჩვილების მგზავრობა კი უფასოა.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება