გიორგი მარგველაშვილი - რუსებს, რომლებიც მიხეილ სააკაშვილის შეურაცხყოფის კადრებზე იცინიან: დიახ, ეს გააკეთეს ქართველებმა, რომლებსაც თქვენ უხდით - დანარჩენ საქართველოს აერთიანებს „ოპრიჩნინას“ მიმართ ზიზღი
რუსებს, რომლებიც საქართველოს მესამე პრეზიდენტის, მიხეილ სააკაშვილის შეურაცხყოფის ამსახველ კადრებზე იცინიან: დიახ, ეს გააკეთეს ქართველებმა, მაგრამ ამ ქართველებს თქვენ უხდით! - ამის შესახებ საქართველოს ყოფილმა პრეზიდენტმა გიორგი მარგვლეშვილმა „ტვიტერის“ საკუთარ გვერდზე განაცხადა.
მისივე თქმით, დანარჩენ საქართველოს აერთიანებს ზიზღი „ოპრიჩნინის“ წინააღმდეგ, რომელიც უცხოა თავისუფლებისმოყვარე და ამაყი ქართველი ერისთვის.
„რუსებს, რომლებიც საქართველოს მესამე პრეზიდენტის, მიხეილ სააკაშვილის შეურაცხყოფის ამსახველ კადრებზე იცინიან: დიახ, ეს გააკეთეს ქართველებმა, მაგრამ ამ ქართველებს თქვენ უხდით! დანარჩენ საქართველოს კი აერთიანებს „ოპრიჩნინას“ მიმართ ზიზღი, რომელიც ამდენად უცხოა ჩვენი ამაყი და თავისუფლებისმოყვარე ერისთვის,“- განაცხადა გიორგი მარგველაშვილმა.
