გურამ მაჭარაშვილი - დიდი დრო არ არის გასული, რაც უკრაინის სპეცრაზმს მიხეილ სააკაშვილი სახურავიდან სამარცხვინოდ ჩამოჰყავდა, შემდეგ თმებში სწვდნენ და მანქანამდე თრევით მიიყვანეს
გასაგებია, რომ უკრაინა მისი მოქალაქის მიმართ ყურადღებიანი იქნება, მაგრამ გავიხსენოთ, რა მოხდა უკრაინაში და რა ხდება საქართველოში - დიდი დრო არ არის გასული, როცა უკრაინის სპეცრაზმს საქართველოს ყოფილი პრეზიდენტი სახურავიდან სამარცხვინოდ ჩამოჰყავდა, შემდეგ თმებში სწვდნენ და მანქანამდე თრევით მიიყვანეს - საზოგადოებას ეს კადრები ძალიან კარგად ახსოვს, - აღნიშნული განცხადება „ქართული ოცნების“ დეპუტატმა გურამ მაჭარაშვილმა გააკეთა.
სწორედ ამ კონტექსტში მაჭარაშვილმა ხაზგასმით აღნიშნა, რომ საქართველოში მოხდა პირიქით, როცა მიხეილ სააკაშვილმა პენიტენციური სისტემის თანამშრომლებს წინააღმდეგობა გაუწია და მათზე ფიზიკური ზეწოლა განახორციელა.
„გავიხსენოთ რა მოხდა უკრაინაში და რა ხდება საქართველოში, როცა პატიმარი იმდენს ბედავს, რომ ფიზიკურ და სიტყვიერ შეურაცხყოფას აყენებს ადამიანებს, ვინც ასე ემსახურებიან სახელმწიფოს. პატიმარ სააკაშვილის უფლებები და ჯანმრთელობა რა თქმა უნდა, დაცული იქნება.
მეგობრული ურთიერთობა ყველასთან გვინდა, მაგრამ ჯერ ჩახედონ, მის სასჯელაღსრულების სისტემას და შემდეგ საქართველოსას“, - განაცხადა გურამ მაჭარაშვილმა.
v-if="article.gallery" v-html="article.gallery"
