ნებისმიერი მოთხოვნა, რომელიც ჯანდაცვის სამინისტროში მოვა იუსტიციის სამინისტროდან, რა თქმა უნდა, დაუყოვნებლივ იქნება განხილული და ჯანდაცვის სამინისტრო სათანადო რეაგირებას უზრუნველყოფს, - ამის შესახებ ჯანდაცვის მინისტრის მოადგილემ, თამარ გაბუნიამ ჟურნალისტებთან საუბრისას განაცხადა, რითაც უპასუხა კითხვას, შეხვდებიან თუ არა ჯანდაცვის სამინისტროს წარმომადგენლები კონსილიუმის წევრებს, სადაც საქართველოს მესამე პრეზიდენტის ჯანმრთელობის მდგომარეობას და მის სამოქალაქო კლინიკაში გადაყვანაზე იმსჯელებენ.
კითხვაზე, აქვთ თუ არა მზაობა, რომ სააკაშვილის ექიმის, ნიკოლოზ ყიფშიძის განცხადების თანახმად, შეხვდნენ კონსილიუმის წევრებს, გაბუნია აღნიშნავს, რომ აღნიშნულ საკითხზე ინფორმაცია არ აქვს.
„ამასთან დაკავშირებით ინფორმაცია არ მაქვს. მოთხოვნაზე, რომელიც პენიტენციური სამსახურიდან და იუსტიციის სამინისტროდან მოვა ნებისმიერი პირის ჯანმრთელობის მდგომარეობასთან დაკავშირებით ბუნებრივია, გვაქვს მზაობა.
ნებისმიერი მოთხოვნა, რომელიც ჯანდაცვის სამინისტროში მოვა იუსტიციის სამინისტროდან, რა თქმა უნდა, დაუყოვნებლივ იქნება განხილული და ჯანდაცვის სამინისტრო სათანადო რეაგირებას უზრუნველყოფს“,- აღნიშნავს გაბუნია.