ნუგზარ წიკლაური - ეს არის მშვიდობიანი წინააღმდეგობის მოძრაობა, რომელიც უნდა იყოს უწყვეტი

ეს არის მშვიდობიანი წინააღმდეგობის მოძრაობა, რომელიც უნდა იყოს უწყვეტი, პერმანენტული და დროთა განმავლობაში ამ მოძრაობამ სხვა გეოგრაფიული არეალი უნდა მოიცვას, - ამის შესახებ „ნაციონალური მოძრაობის“ წევრმა, ნუგზარ წიკლაურმა მეტროსადგურ „300 არაგველის“ მიმდებარედ ოპოზიციის მიერ ორგანიზებულ საპროტესტო აქციაზე განაცხადა.

როგორც მან აღნიშნა, საპროტესტო აქციები არამხოლოდ თბილისსა და რამდენიმე ლოკაციაზე, არამედ საქართველოს სხვადასხვა ქალაქებსა და მოედნებზე გაიმართება.

„შიმშილობიდან გამოსვლა ისეთივე რთული სამედიცინო ამბავია, როგორც შიმშილობა, ამიტომ იმ პირობებში, სადაც ახლა მიხეილ სააკაშვილი იმყოფება, შეუძლებელია შიმშილობის შეწყვეტა ჯანმრთელობის დრამატულად დაზიანების გარეშე. ჩვენ პატივს ვცემთ სტრასბურგის სასამართლოს გადაწყვეტილებას და მოწოდებას, ამავე დროს გვჭირდება ელემენტარული პირობები, რათა მიხეილ სააკაშვილის ჯანმრთელობა შენარჩუნდეს. როგორც კი მოხდება მრავალპროფილურ კლინიკაში მიხეილ სააკაშვილის გადაყვანა, ეს შიმშილობაც შეწყდება და ჩვენ დაველოდებით საბოლოო ვერდიქტს უმაღლესი ევროპული სასამართლოს მხრიდან“, - განაცხადა წიკლაურმა.

მისივე თქმით, რაც უფრო დიდი დრო გაივლის, მით უფრო მძლავრი იქნება პროტესტის ტალღა.

მიხეილ სააკაშვილმა საერთაშორისო სასამართლოს მიმართ პატივისცემის ნიშნად გამოაცხადა, რომ შიმშილობას შეწყვეტს იმ პირობებში, თუკი მისი შიმშილობიდან გამოსვლა ელემენტარული სამედიცინო უზრუნველყოფით იქნება მხარდაჭერილი. ახლა ყველაფერი ხელისუფლებაზე იქნება დამოკიდებული. გლდანის ციხის საავადმყოფოში, უბრალოდ ჟანგიანი წნევის აპარატი აგდია და არავითარი სამედიცინო მომსახურების პირობები არ არის, გლდანის ციხეში, ორკესტრირებული და ორგანიზებული ფსიქოლოგიური ზეწოლა მიმდინარეობს ხელისუფლების მიერ“, - აღნიშნა ნუგზარ წიკლაურმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა