“ნაციონალური მოძრაობის” მხარდამჭერები მეტროსადგურ “300 არაგველებიდან” მსვლელობით იუსტიციის სამინისტროსთან მივიდნენ
“ნაციონალური მოძრაობის” წევრები და მხარდამჭერები, მეტროსადგურ “300 არაგველებიდან” მსვლელობით იუსტიციის სამინისტროსთან მივიდნენ. ადგილზე მათ მოტანილი აქცთ ხმის აპარტურა და გაიმართება სიტყვით გამოსვლები.
ტერიტორიაზე მობილიზებულები არიან სამართალდამცველები. მათ ბლოკირებული აქვთ შენობასთან მისასვლელი კიბე.
აქციის მონაწილეები სკანდირებენ - “საქართველო”, “მიშა, მიშა”.
მანამდე აქციის მონაწილეები შინაგან საქმეთა სამინისტროსთან გაჩერდნენ. მათ სამართალდამცავ უწყებასთან “მშვიდობიანობის ნიშნად” ხელები ზემოთ ასწიეს.
“ნაციონალური მოძრაობის” წევრების განცხადებით, იუსტიციის მინისტრს უნდა გააგონონ ხმა იმის შესახებ, რომ სახელმწიფოებრიობის ფეხქვეშ გათელვის შესაძლებლობას არ მისცემენ.
