დიმიტრი საძაგლიშვილი - მიხეილ სააკაშვილს დღეს შესთავაზეს გადასხმების გაკეთება, რაზეც უარი განაცხადა

ადვოკატის, დიმიტრი საძაგლიშვილის განცხადებით, მიხეილ სააკაშვილი შიმშილობას აგრძელებს და აღნიშნავს, რომ რუსთავის #12 დაწესებულებაში უკეთესი სამედიცინო სერვისი ჰქონდა, ვიდრე ახლა აქვს.

როგორც საძაგლიშვილმა მიხეილ სააკშვილის მონახულების შემდეგ ჟურნალისტებთან განაცხადა, მიხეილ სააკაშვილის რუსთავის #12 პენიტენციური დაწესებულებიდან, გლდანის ციხის სამკურნალო დაწესებულებაში გადმოყვანის მიზეზი არა მის ჯანმრთელობაზე ზრუნვა იყო, არამედ ის, რომ “მოეხდინათ მასზე ფსიქოლოგიური ტერორი და ყოფილიყო არაადამიანური, არაჰუმანური მოპყრობის მსხვერპლი”. ამასთან, საძაგლიშვილის განცხადებით, მიხეილს სააკაშვილი სუსტად არის, მას დღეს შესთავაზეს გადასხმის გაკეთება, მაგრამ უარი განაცხადა.

მიხეილ სააკაშვილის აგრძელებს შიმშილობას. იუსტიციის სამინისტროსგან და პენიტენციური სამსახურისგან არ მოგვისმენია ოფიციალური პასუხი, თუ რას აპირებენ. აპირებენ თუ არა მიხეილ სააკაშვილის გადაყვანას #18 დაწესებულებიდან, რომელიც პრინციპში სულაც არ არის საავადმყოფო. თავად მიხეილ სააკაშვილმაც აღნიშნა, რომ მას უკეთესი სამედიცინო სერვისი ჰქონდა რუსთავის #12 დაწესებულებაშიც კი.

ეს შენობა არის ორ ნაწილად გაყოფილი, ერთ ნაწილში არის იზოლირებული მიხეილ სააკაშვილი, მაგრამ ამ ნაწილში სამედიცინო სერვისის მიწოდება თითქმის შეუძლებელია იმიტომ, რომ საავადმყოფოს მეორე ნაწილი არის სამედიცინო სერვისების გასაწევად მობილიზებული. საბოლოო ჯამში ჩვენ შეგვიძლია დავასკვნათ, რომ მიხეილ სააკაშვილი არ მოუყვანიათ მის ჯანმრთელობაზე ზრუნვის მოტივებით, ის მოიყვანეს იმისთვის, რომ მოეხდინათ მასზე ფსიქოლოგიური ტერორი და ყოფილიყო არაადამიანური მოპყრობის მსხვერპლი, რისი ვიდეო მტკიცებულებაც გუშინ ვიხილეთ, როდესაც ვნახეთ თუ როგორ არაადამიანურად ექცევა სისტემა ადამიანს. სააკაშვილის ჯანმრთელობის მდგომარეობა არის ისევ ისეთი, როგორიც აქამდე იყო, ის არის სუსტად. გარდა ამისა, ყველაზე მნიშვნელოვანი არის ის, რომ შიმშილობის ამ ფაზაში უკვე არაპროგნოზირებადი სიტუაციის წინაშე ვდგებით, არ ვიცით როდის მოხდება დრამატული გაუარესება მისი ჯანმრთელობის მდგომარეობის. მას დღეს შესთავაზეს გადასხმების გაკეთება, რაზეც უარი განაცხადა", - განაცხადა საძაგლიშვილმა.

ამასთან, საძაგლიშვილის თქმით, პენიტენციური სამსახურის მიერ გავრცელებული ვიდეომასალა დამონტაჟებულია და ეს ექსპერტიზის დასკვნის გარეშეც აშკარაა. „იმდენად აშკარა კვალი ეტყობა მონტაჟის, რომ არ არის საჭირო ექსპერტიზის ჩატარება, ჩვეულებრივი ადამიანისთვისაც კი აღსაქმელია მონტაჟის კვალი. ბუნებრივია, რომ ხელისუფლებამ გამოაქვეყნა ის ნაწილები, რომელიც მათი აზრით იყო მათთვის სასარგებლო და ამოჭრა შესაბამისი ნაწილები, რომელთა გასაჯაროებაც მათ არ სურდათ", - განაცხადა საძაგლიშვილმა.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება