ევროპის საბჭოში ვისაც ვესაუბრე, მათ შორის გენერალურ მდივანს, უბრალოდ ვერ წარმოუდგენიათ, რომ 21-ე საუკუნეში ხელისუფლება შეიძლება ასე ექცეოდეს ყოფილ პრეზიდენტს, - ამის შესახებ პარლამენტის დეპუტატმა არმაზ ახვლედიანმა ჟურნალისტებთან განაცხადა.
როგორც ახვლედიანმა გლდანის მე-18 დაწესებულებაში მიხეილ სააკაშვილის მონახულებამდე განაცხადა, საქართველოს ხელისუფლება ევროპის ქვეყნებიდან და ვაშინგტონიდან მიიღებს გზავნილებს, რომელთა ინტერპრეტაციის საშუალებაც აღარ მიეცემა.
“ამ დილით ჩამოვედი სტრასბრუგიდან. ევროპის საბჭოში ვისაც ვესაუბრე, მათ შორის გენერალურ მდივანს, უბრალოდ ვერ წარმოუდგენიათ, რომ 21-ე საუკუნეში ხელისუფლება შეიძლება ასე ექცეოდეს ყოფილ პრეზიდენტს, ეს არის დაუჯერებელი და გამაოგნებელი. თუ ყოფილი პრეზიდენტის უფლება არ არის დაცული, მაშინ ვისი უფლება შეიძლება იყოს დაცული. პოლიტიკის მიღმა არის ძალიან მნიშვნელოვანი რამ და ეს არის ჩვენი სახელმწიფოებრიობა, ჩვენ თუ პოლიტიკას გადავაყოლებთ სახელმწიფოებრიობას, შედეგად მივიღებთ ჩრდილოეთში გულის გასახარად არშემდგარ სახელმწიფოს. უნდა ვიცოდეთ, რომ ევროპის ქვეყნების დედაქალაქებიდან, ბრიუსელიდან, სტრასბურგიდან და ასევე ვაშინგტონიდანაც ჩვენი ხელისუფლება მიიღებს გზავნილებს, რომლის ინტერპრეტაციის საშუალებაც აღარ მიეცემათ”, - განაცხადა ახვლედიანმა.