სოზარ სუბარი - სააკაშვილი იყო პრეზიდენტი, იყო იუსტიციის მინისტრი და არ მგონია, ვინმეს გაახსენდეს, რომ  პატიმრების ულტიმატუმების საფუძველზე იღებდა გადაწყვეტილებას, ვის რომელ დაწესებულებაში გადაიყვანდნენ

მიხეილ სააკაშვილი იყო საქართველოს პრეზიდენტი, იყო იუსტიციის მინისტრი და არ მგონია, ვინმეს გაახსენდეს შემთხვევა, როცა ის პატიმრების ულტიმატუმების საფუძველზე იღებდა გადაწყვეტილებას, ვის სად, რომელ დაწესებულებაში გადაიყვანდნენ, - აღნიშნული განცხადება “ქართული ოცნების“ ერთ-ერთმა ლიდერმა სოზარ სუბარმა გააკეთა.

სუბარი ამბობს, რომ არ სურს წარმოიდგინოს, რა დღეში ჩავარდებოდა პატიმარი მსოფლიოს ნებისმიერი ქვეყნის ნებისმიერ სასჯელაღსრულების სისტემაში, თუკი ის სასჯელაღსრულების სისტემის თანამშრომლებს შეურაცხყოფას მიაყენებდა და აპარატურას დაამტვრევდა.

სუბარმა ციხის თანამშრომლებს “მოთმინების გამოჩენისთვის“ მადლობა გადაუხადა და როგორც განაცხადა, მიხეილ სააკაშვილი მე-18 დაწესებულებაში კანონის ფარგლებში შეასახლეს.

„ის, რამაც მიხეილ სააკაშვილის გლდანის სამკურნალო დაწესებულებაში გადაყვანა განაპირობა იყო ის, რომ მანამდე მიხეილ სააკაშვილის ჯანმრთელობას არანაირი საფრთხე არ ემუქრებოდა, ხოლო იმ წუთიდან, როცა მან თქვა, რომ უფრო მკაცრი ფორმით შიმშილობას იწყებს და ექიმთა კონსილიუმმაც თქვა, რომ საჭირო იყო კლინიკაში გადაყვანა, სასჯელაღსრულების დეპარტამენტმა შესაბამისი გადაწყვეტილება მიიღო.

კონკრეტულად სად გადაიყვანდა და როგორ გადაიყვანდა, ეს სასჯელაღსრულების სამსახურისა და იუსტიციის სამინისტროს გადასაწყვეტია - ამის პატიმრებთან შეთანხმება არ ხდება. თუკი საუბარია, პატიმარზე როგორც პაციენტზე - მიიღებს თუ არა პაციენტი მკურნალობას ან მკურნალობის რა ფორმას აირჩევს ის - ეს შეიძლება მისი გადასაწყვეტი იყოს, მაგრამ არა მკურნალობის მიღების ადგილი“, - განაცხადა სოზარ სუბარმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა