ცესკომ თბილისის მერის არჩევნების მეორე ტურის შედეგები შეაჯამა

ცენტრალურმა საარჩევნო კომისიამ დღეს გამართულ სხდომაზე თბილისის მერის არჩევნების მეორე ტურის შედეგები შეაჯამა. როგორც ბრიფინგზე ცესკოს სპიკერმა ნათია იოსელიანმა განაცხადა, შედეგების მიხედვით ქალაქ თბილისის მერად არჩეულია „ქართული ოცნება - დემოკრატიული საქართველოს“ კანდიდატი კახა კალაძე. მან 258 776 ამომრჩევლის ხმა, 55.60% მიიღო.

თბილისის მერის არჩევნების მეორე ტურში სულ 480 302 ამომრჩეველი მონაწილეობდა.

„ცესკომ დღევანდელ სხდომაზე ასევე შეაჯამა თბილისის საკრებულოს 2021 წლის 2 ოქტომბრის არჩევნები შედეგები. შემაჯამებელი ოქმის თანახმად, არჩევნებში მონაწილე ამომრჩეველთა რაოდენობამ 494 676 შეადგინა. თბილისის საკრებულოში მანდატები კი ასე გადანაწილდა: „ერთიანი ნაციონალური მოძრაობა“ -13 მანდატი, „ლელო“ – 2, „გახარია - საქართველოსთვის“- 4, „ქართული ოცნება - დემოკრატიული საქართველო“ - 19, „ზურაბ გირჩი ჯაფარიძე: გირჩი - მეტი თავისუფლება“ - 1, „ანა დოლიძე - ხალხისთვის“ – 1 მანდატი. მეორე ტურის შედეგები ასევე შეაჯამეს საოლქო საარჩევნო კომისიებმა.

შემაჯამებელი ოქმების მიხედვით საკრებულოს წევრად და მერად არჩეული პირების შესახებ ინფორმაცია ცესკომ დღევანდელ სხდომაზე ცნობად მიიღო. დეტალური ინფორმაცია და შემაჯამებელი ოქმები განთავსებულია ცესკოს ვებგვერდზე",- განაცხადა იოსელიანმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს