უახლოესი ოპერატიული ამოცანაა მიშას სამოქალაქო კლინიკაში გადაყვანა, ეს არის უახლოესი წუთების და საათების ამბავი, თუ არადა, ეკატერინე ტიკარაძე, ჯანდაცვის მინისტრო, მოგადგებით და „პანჩურით“ გამოგაგდებთ მანდედან,- ამის შესახებ ოპოზიციონერმა მურმან დუმბაძემ პარლამენტთან მიმდინარე აქციაზე სიტყვით გამოსვლისას განაცხადა.
"მთავარი ამოცანაა, რომლის მიხედვით უკეთესი ქვეყანა უნდა ავაშენოთ, გადის სამი პირობის შესრულებაზე: პირველი - საქართველოს მესამე პრეზიდენტს აღუდგეს მოქალაქეობა. მეორე - საქართველის მესამე პრეზიდენტს მიხეილ სააკაშვილს საქართველოში ჰქონდეს პოლიტიკური საქმიანობის თავისუფლება. მესამე ამოცანაა, დაინიშნოს ვადამდელი არჩევნები",- განაცხადა მურმან დუმბაძემ.
ცნობისთვის, პარლამენტის შენობის წინ მიხეილ სააკაშვილის სამოქალაქო კლინიკაში გადაყვანის მოთხოვნით აქცია მიმდინარეობს. შეკრებილ საზოგადოებას სიტყვით მიმართავენ "ნაციონალური მოძრაობის" წევრები და მხარდამჭერები.