პრეზიდენტის ადმინისტრაციაში უსინათლოთა საერთაშორისო დღესთან დაკავშირებით სამუშაო შეხვედრა გაიმართა

13 ნოემბერს მცირე მხედველთა და უსინათლოთა საჭიროებების შესახსენებლად უსინათლოთა საერთაშორისო დღე აღინიშნება. ამ დღესთან დაკავშირებით პრეზიდენტის ადმინისტრაციაში უსინათლოთა კავშირის წარმომადგენლებთან სამუშაო შეხვედრა გაიმართა, რომელზეც უსინათლოთა და მცირე მხედველთა პრობლემებზე და საზოგადოებაში მათ ინტეგრაციაზე ისაუბრეს.

პრეზიდენტის ადმინისტრაციის უფროსმა ნათია სულავამ ადმინისტრაციაში მოწვეულ სტუმრებს დღევანდელი დღე მიულოცა და უსინათლოთა კავშირს საჩუქრად ორი პერსონალური კომპიუტერი გადასცა.

როგორც მან აღნიშნა კავშირის ხელმძღვანელის არჩევნებში ქალი კანდიდატის გამარჯვება მისასალმებელი ფაქტია და პრეზიდენტის ადმინისტრაცია მხარს უჭერს გადაწყვეტილებების მიღების პროცესში შეზღუდული შესაძლებლობის მქონე პირების და ქალების ჩართულობას.

შშმ პირთა საკითხებში პრეზიდენტის მრჩეველმა სიმონ პეტრიდისმა ისაუბრა დღევანდელი დღის მნიშვნელობაზე, კავშირთან ერთად განხორციელებულ აქტივობებზე და სამომავლო გეგმებზე, ამასთან აღნიშნა, რომ უსინათლოთა კავშირის კულტურის ცენტრი მნიშვნელოვან როლს ასრულებს ინკლუზიური ხელოვნების განვითარების პროცესში.

მისი თქმით, მნიშვნელოვანია სამოქალაქო სექტორის ჩართულობა უსინათლოთა საჭიროებების სწორი იდენტიფიცირებისთვის და არსებული რესურსების რაციონალურად გამოყენებით შესაძლებელია ოპტიმალური შედეგის მიღწევა.

თავის მხრივ, უსინათლოთა კავშირის ხელმძღვანელმა სოფო ხუციშვილმა იმ საჭიროებების შესახებ ისაუბრა, რომლის წინაშეც უსინათლოთა თემი დგას, რასაც დასაქმების პროცესში აწყდებიან და რომელთა გადაჭრაც მნიშვნელოვნად წაწევდა წინ საზოგადოებაში მათ სრულფასოვან ინტეგრაციას.

დღევანდელ დღესთან დაკავშირებით პრეზიდენტის ადმინისტრაციამ კავშირსა და მოწვეულ სტუმრებს ბრაილის შრიფტით დაბეჭდილი ,,საქართველოს კონსტიტუცია“ გადასცა.

აღნიშნულ ინფორმაციას პრეზიდენტის ადმინისტრაცია ავრცელებს.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
სოფიო გრაკალიშვილი - მომხმარებელს ვურჩევდი დეტალურად შეადაროს რამდენიმე სადაზღვევო კომპანიის პირობები და მხოლოდ ამის შემდეგ მიიღოს გადაწყვეტილება
"არქი" ოქროს ბრენდის გამარჯვებული გახდა
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია