პარლამენტთან "ნაციონალური მოძრაობის” წევრებისა და მხარდამჭერების აქცია დასრულდა. აქციის მონაწილეების მოთხოვნა საქართველოს მესამე პრეზიდენტის მიხეილ სააკაშვილის სამოქალაქო კლინიკაში გადაყვანა და გათავისუფლება იყო.
აქციაზე შეკრებილ საზოგადობას სიტყვით მიმართეს "ნაციონალური მოძრაობის" წევრებმა და განაცხადეს, რომ აქციები მთელი ქვეყნის მასშტაბით, ყოველდღიურად გაგრძელდება.
მათი თქმით, სააკაშვილის ჯანმრთელობაზე ჯანდაცვის სამინისტროა პასუხისმგებელი და თუ მას სამოქალაქო კლინიკაში არ გადაიყვანენ "ყველა პასუხს აგებს".