"ახალგაზრდა იურისტთა ასოციაციის" თავმჯდომარის ნიკა სიმონიშვილის განცხადებით, ხელისუფლების უგუნურმა პოლიტიკამ შესაძლოა, საქართველო არამარტო ევროკავშირის პარტნიორებიდან, არამედ საერთოდ ევროპიდანაც ამოშალოს. ამის შესახებ საია-ს თავმჯდომარე "ფეისბუქში" წერს.
„ადამიანებს, რომლებსაც ჩვენი ქვეყნისთვის კარგის მეტი არაფერი გაუკეთებიათ, არათუ ელემენტარულად პატივს არ სცემენ, ქვეყნის მტრად აცხადებენ ისევე, როგორც ნებისმიერს, რომელსაც განსხვავებული ან კრიტიკული აზრი აქვს.
ხელისუფლების ასეთი პოლიტიკა ეწინააღმდეგება ისეთ მნიშვნელოვან კონსტიტუციურ დანაწესს, როგორიცაა ევროპულ და ევროატლანტიკურ სტრუქტურებში ინტეგრაცია.
ვიტყოდი, „ქართული ოცნება“ ქვეყანას ჯანდაბაში მიაქანებს მეთქი, მაგრამ არ ვარ დარწმუნებული, რომ უკვე იქ არ ვართ“, - წერს ნიკა სიმონიშვილი.