"ნაციონალურმა მოძრაობამ" დღეს დაგეგმილი საპროტესტო აქციები გააუქმა

"ნაციონალურმა მოძრაობამ" დღეს დაგეგმილი საპროტესტო აქციები გააუქმა. ამის შესახებ პარლამენტში პარტიის ერთ-ერთმა ლიდერმა თინა ბოკუჩავამ განაცხადა.

მისი თქმით, გადაწყვეტილება სიტუაციის სიმძიმიდან გამომდინარე იქნა მიღებული.

ჩვენ გვქონდა დაგეგმილი საპროტესტო მოქმედებები სხვადასხვა ლოკაციაზე, რაც გავაუქმეთ სიტუაციის სიმძიმიდან და სიმწვავიდან გამომდინარე. ამ წუთებში ჩემს კოლეგებთან ერთად უნდა განვიხილოთ რა არის ამ მძიმე მოცემულობის ფონზე ადეკვატური რეაქცია და მის შესახებ უახლოეს წუთებში ვაცნობებთ საზოგადოებას", - აღნიშნა ბოკუჩავამ.

როგორც ბოკუჩავამ განაცხადა, „ნაციონალური მოძრაობის“ მთავარი მოთხოვნა კვლავ მიხეილ სააკაშვილის სამოქალაქო კლინიკაში გადაყვანაა.

„დღეს გახდა ცნობილი, რომ დეკანოზ გიორგი მამალაძეს დაუდასტურდა კოვიდ-19. პროტოკოლით, ვისაც მასთან ჰქონდა შეხება, უნდა გადავიდეს იზოლაციაში. ისედაც არ იყო საკმარისი მედპერსონალი იმისათვის, რომ მიხეილ სააკაშვილის დამძიმებისა და კოლაფსის მოცემულობას გამკლავებოდა, შესაბამისად, ახლა თუ ნახევარი სამედიცინო პერსონალი უნდა გადავიდეს იზოლაციაში, ეს კიდევ უფრო ამძიმებს ვითარებას. სწორედ ამიტომ, მოთხოვნა იყო და არის დაუყოვნებლივ პრეზიდენტ სააკაშვილის სამოქალაქო კლინიკაში გადაყვანა“, - განაცხადა ბოკუჩავამ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია