ადვოკატი - მიხეილ სააკაშვილი აცხადებს, რომ მოიკრებს ძალ-ღონეს და დაესწრება ხვალინდელ სასამართლო პროცესს, მთავარია უზრუნველყონ მისი გადაყვანა

საქართველოს მესამე პრეზიდენტის მიხეილ სააკაშვილის ადვოკატის ბექა ბასილაიას განცხადებით, ექსპრეზიდენტის ჯანმრთელობის მდგომარეობა არის ძალიან რთული და მძიმე, მაგრამ აცხადებს, რომ მოიკრებს მაქსიმალურ ძალ-ღონეს და ხვალ “პიჯაკების საქმესთან” დაკავშირებით ჩანიშნულ პროცესს დაესწრება.

ამასთან, ადვოკატის განცხადებით, მიხეილ სააკაშვილის ხვალ ჩანიშნულ სასამართლო პროცესზე გადაყვანის ყველანაირი სამართლებრივი პროცედურული საფუძველი არსებობს და მას აქვს უფლება უშუალოდ მიიღოს მონაწილეობა პროცესში.

“ რაც შეეხება სასამართლო პროცესს, ყველამ კარგად ვიცით მიხეილ სააკაშვილის საქართველოში ყოფნის თვენახევრის მანძილზე ფაქტიურად სასამართლო პროცესებს არ ნიშნავდნენ, ელოდებოდნენ მიხეილ სააკაშვილის იმდაგვარად ფიზიკურ დასუსტებას, ისე დასუსტებას, რომ პროცესზე დასწრება არ შეძლებოდა.

10 ნოემბერს გამართულ პროცესზე ჩვენ ვითხოვდით, რომ სააკაშვილი მოყვანილიყო სასამართლო დარბაზში, რაზეც ფაქტობრივად, არა თუ პასუხი ვერ მივიღეთ, არამედ სასამართლომ თქვა, რომ ბრალდებულის - საქართველოს მესამე პრეზიდენტის გარეშე განაგრძობდა საქმის განხილვას.

ხვალ არის “პიჯაკების საქმე” ჩანიშნული 11:00 საათზე, სასამართლოდან მოთხოვნა მიხეილ სააკაშვილის გადაყვანასთან დაკავშირებით პარასკევს გაიგზავნა, შესაბამისად, ყველანაირი სამართლებრივი პროცედურული საფუძველი მისი გადაყვანის არსებობს, სისხლის სამართლის საპროცესო კოდექსის, საქართველოს კონსტიტუციის და ადამიანის უფლებათა და ძირითად დავისუფლებათა დაცვის ევროპული კონვენციის თანახმად, მიხეილ სააკაშვილს აქვს უფლება უშუალოდ მიიღოს მონაწილეობა პროცესში, ხოლო სახელმწიფო ვალდებულია უზრუნველყოს ეს უშუალობა და მიხეილ სააკაშვილი წარმოადგინოს სასამართლოს წინაშე.

ჯანმრთელობის მდგომარეობა არის, რა თქმა უნდა, ძალიან რთული და მძიმე, მაგრამ მიხეილ სააკაშვილი მათ შორის, დღესაც როდესაც ექიმებს ვესაუბრეთ აცხადებს, რომ მოიკრებს მაქსიმალურად ძალღონეს და დაესწრება ამ პროცესს, მთავარია უზრუნველყონ მისი გადაყვანა. შესაბამისად ხვალინდელ პროცესზე სასამართლო ვალდებულია მიხეილ სააკაშვილი გადაიყვანოს სასამართლო დარბაზში. თუ გააკეთეს ის რაც გააკეთეს 10 ნოემბერს ეს იქნება კიდევ ერთხელ იმის ლუსტრაცია თუ როგორ ეშინია ხელისუფლებას სააკაშვილის საზოგადოების წინაშე პირდაპირი გამოჩენის, თუ როგორ ეშინია ხელისუფლებას სააკაშვილის ხალხისადმი მიმართვის და მისი უშუალოდ სასამართლო წინაშე წარდგენის. 9 წელია საზოგადოებას კვებავენ სიცრუით - “აი მიხეილ სააკაშვილს ჩვენ გავასამართლებთ” “აი მიხეილ სააკაშვილთან დაკავშირებით გაჩვენებთ მტიკიცებულებებსა და საქმეებს “, მაგრამ, როდესაც საქმე საქმეზე მიდგა ხელისუფლება პატიმრობაში მყოფ მესამე პრეზიდენტს პატიმრობაში ამყოფებს და მართლმსაჯულების წინაშე წარდგენასაც არ ცდილობს”, - განაცხადა ბექა ბასილაიამ.

თბილისის საქალაქო სასამართლოში ე.წ. პიჯაკების საქმეზე ბრალდებულების, მიხეილ სააკაშვილისა და თეიმურაზ ჯანაშიას სასამართლო პროცესი 15 ნოემბერს, 11:00 საათზე გაიმართება.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 30.06.2022
გოგა მელიქიძე - საპენსიო ფონდი მნიშვნელოვან ზრდას განაგრძობს
კახა ოქრიაშვილი - „ყაველაშვილის ტრიო“ მომავალში მრავალი პოლიტიკური ტრიუკისთვის იქნება გამოყენებული
„ფოთის ახალ საზღვაო ნავსადგურში“ დოკერისა და მძღოლ-ოპერატორების კურსებზე პრაქტიკულ სწავლებას 40-ზე მეტი პირი გადის
„ონისი“ - 3 მეგობრის მიერ დაწყებული გემრიელი ბიზნესი
კარდიოასმაგნე - გულ-სისხლძარღვთა დაავადებების პრევენცია და მკურნალობა
„ლიბერთი“ მასწავლებელთა პოპულარიზაციის გლობალურ კამპანიას უჭერს მხარს
მელიქიშვილის 10 ნომერში სასტუმრო ”რამადა თბილისი” გაიხსნა
სს „ლიბერთი ბანკის“ გენერალურ დირექტორად ბექა გოგიჩაიშვილი დაინიშნა
"არქი" ოქროს ბრენდის გამარჯვებული გახდა
ისტორიული დღე ვატიკანში - პირველად, სიქსტის კაპელაში, ქართული გალობა გაისმა