პარლამენტის საპროცედურო საკითხთა და წესების კომიტეტმა ზურაბ ჯაფარიძის მიმართვას, სადეპუტატო უფლებამოსილების ვადამდე შეწყვეტის თაობაზე, მხარი დაუჭირა.
კომიტეტის დასკვნა პარლამენტის ბიუროს დღესვე გადაეცემა. გადაწყვეტილებას კი, უახლოეს პლენარულ სხდომაზე მიიღებენ.
ზურაბ ჯაფარიძემ სადეპუტატო უფლებამოსილების შეწყვეტის თაობაზე წერილობითი განცხადებით პარლამენტს ადგილობრივი თვითმმართველობის არჩევნების მეორე ტურის შემდეგ მიმართა.
პარლამენტში ზურაბ ჯაფარიძის ადგილმონაცვლე „გირჩის" სიით წარდგენილი ჰერმან საბოა.