შალვა პაპუაშვილი - სააკაშვილის სასამართლო სხდომაში მონაწილეობა დისტანციურად ჩართვის ან სხდომის სასჯელაღსრულების დაწესებულებაში გამართვით არის შესაძლებელი

„ქართული ოცნების“ ერთ-ერთი ლიდერის, შალვა პაპუაშვილის შეფასებით, მიხეილ სააკაშვილის სასამართლო სხდომაში მონაწილეობის თაობაზე იუსტიციის სამინისტროს პენიტენციური სისტემა პროცედურებს სრულად მიჰყვება.

როგორც პაპუაშვილმა ჟურნალისტებთან საუბრისას აღნიშნა, სააკაშვილს სასამართლო სხდომაში მონაწილეობის უფლება აქვს, რისი უზრუნველყოფაც მისი დისტანციურად ჩართვის ან სასამართლო სხდომის სასჯელაღსრულების დაწესებულებაში გამართვის ფორმით არის შესაძლებელი.

„სასამართლოს წინაშე წარსდგომის სამი ფორმა არსებობს. ერთი, ეს არის ფიზიკურად დარბაზში ყოფნა. მეორე, სასამართლო დარბაზში - ოღონდ დისტანციურად ჩართვის მეთოდით და მესამეა სასამართლო პროცესის სასჯელაღსრულების დარბაზში გამართვა. სამივე ეს ფორმა განსასჯელის უფლებების დაცვას უზრუნველყოფს და სამივე ფორმა მისი დაცვის უფლების სრულ განხორციელებას წარმოადგენს. ჩვენ მოვისმინეთ გადაწყვეტილება, რომლის მიხედვით, მიხეილ სააკაშვილს ამ სამი ფორმიდან ორი - დისტანციური ჩართვა ან პროცესის სასჯელაღსრულების დაწესებულებაში გამართვა შესთავაზეს", - განაცხადა შალვა პაპუაშვილს.

რაც შეეხება დეპუტატების შიმშილობის აქციას, როგორც პაპუაშვილმა განაცხადა, „პროტესტის ფორმები მათი გადასაწყვეტია, თუმცა ეს სწორი ფორმა არ არის.

„არგუმენტების წარმოდგენის ნაცვლად, ჯანმრთელობის რისკის ქვეშ დაყენება და გადაწყვეტილების მიღების იძულება, არ მგონია, რომ სწორი ფორმა იყოს“, - დასძინა პაპუაშვილმა.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს