ნიკა მელია - თუ ვინმე კონსტიტუციას ფეხქვეშ თელავს, კანონს არღვევს ყოველდღე, ყოველწუთს და ყოველწამს, ეს არის რეჟიმი - რეჟიმი, რომელიც ასე იქცევა, უნდა ვარყიოთ მანამ, ვიდრე არ ჩამოინგრევა

თუ ვინმე კონსტიტუციას ფეხქვეშ თელავს, თუ ვინმე კანონს არღვევს ყოველდღე, ყოველწუთს და ყოველწამს, ეს არის რეჟიმი, - ამის შესახებ „ნაციონალური მოძრაობის“ თავმჯდომარე, ნიკა მელიამ აქციაზე განაცხადა.

ის შინაგან საქმეთა სამინისტროს მიერ გავრცელებულ განცხადებას გამოეხმაურა და აღნიშნა, რომ საპროტესტო აქციები პერმანენტული გახდება.

„რასაც დღეს ხელისუფლება ცდილობს, საკუთარი პროპაგანდისტული არხებით, შეშინებულმა და აცახცახებულმა განცხადებები განცხადებებზე ავრცელონ, თითქოს თურმე ჩვენ არ გვაქვს შეკრების, მანიფესტაციის, მსვლელობის უფლება, ეს ხომ კიდევ უფრო ღიმილის მომგვრელია. ეს ხომ კიდევ უფრო მეტად გვარწმუნებს თითოეულ ჩვენგანს, რომ სწორ გზაზე ვდგავართ და ეს პროტესტი უფრო და უფრო მწვავე, თუმცა, არაძალადობრივი უნდა გახდეს. ეს ასეც იქნება. დღეს რა განცხადებაც გაავრცელა ხელისუფლებამ, ეს ხომ ფეხზე მყარად მდგომი ხელისუფლების განცხადება არ არის. ვის ატყუებენ იმით, რომ თურმე ადამიანი ციხეში დატყვევებული არ ჰყავთ და მის სამოქალაქო საავადმყოფოში გადაყვანისთვის არ უნდა ვიბრძოლოთ, მსვლელობა და მშვიდობიანი, არაძალადობრივი მანიფესტაცია კონსტიტუცია წინააღმდეგობაში მოდის? თუ ვინმე კონსტიტუციას ფეხქვეშ თელავს, თუ ვინმე კანონს არღვევს ყოველდღე, ყოველწუთს და ყოველწამს, ეს არის რეჟიმი. რეჟიმი, რომელიც ასე იქცევა, უნდა ვარყიოთ მანამ, ვიდრე არ ჩამოინგრევა. ეს პროცესი აუცილებლად გაგრძელდება ამ რეჟიმის რყევით და საბოლოოდ ჩამონგრევით, ახალი არჩევნებით", - განაცხადა მელიამ.

ცნობისთვის, შინაგან საქმეთა სამინისტრომ „ერთიანი ნაციონალური მოძრაობის“ ორგანიზებით დღეს დაგეგმილ საპროტესტო აქციასთან დაკავშირებით განცხადება გაავრცელა. უწყებამ მოქალაქეებსა და პოლიტიკურ ლიდერებს მოუწოდა, დაიცვან საქართველოს კონსტიტუცია, პატივი სცენ პოლიციელთა პროფესიულ საქმიანობას, არ გასცდნენ მშვიდობიანი შეკრების კანონით დადგენილ ფარგლებს. მათი განმარტებით, კანონდარღვევის ნებისმიერი ფაქტი პოლიციის მხრიდან მყისიერად იქნება აღკვეთილი და მოჰყვება შესაბამისი რეაგირება.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა