სალომე სამადაშვილი - ხელისუფლება პირდაპირ ატარებს რუსეთის ინტერესებს ჩვენს ქვეყანაში

პარლამენტის ოპოზიციონერი დეპუტატის, სალომე სამადაშვილის განცხადებით, ხელისუფლების მხრიდან ყოფილი პრეზიდენტის, მიხეილ სააკაშვილის ჯანმრთელობისა და უსაფრთხოების უზრუნველყოფის მიზნით, „ქართული ოცნების“ ინიციატივით ჯგუფი შეიქმნება.

ამის შესახებ სამადაშვილმა „პალიტრანიუსის“ გადაცემაში „360 გრადუსი“ განაცხადა.

„ჩვენი ფრაქციის წინადადება იყო, რომ შექმნილიყო მრავალპარტიული ჯგუფი პარლამენტში და დღეს ამაზე იყო განხილვა. ხელისუფლების მხრიდან იყო ინიციატივა, რომ შეიქმნას ასეთი ჯგუფი და ჩვენ ცხადია მონაწილეობას მივიღებთ, მიგვაჩნია, რომ სწორი იქნება, ეს ჯგუფი შეიქმნას“, - განაცხადა სამადაშვილმა.

მისი თქმით, უცნობია უკრაინის სახალხო დამცველს გლდანის #18 პენიტენციურ დაწესებულებაში, მიხეილ სააკაშვილის მოსანახულებლად შეუშვებენ თუ არა.

„როდესაც კობახიძე საუბრობს რაღაც ნაბიჯებზე, რომელიც „ქართულმა ოცნებამ“ გადადგა, მათ შორის ევროკავშირის ეგიდით გაფორმებულ შეთანხმებაზე, ამ შეთანხმების უკან დგას მთელი ევროკავშირი და არა რომელიმე ცალკეული დეპუტატი. ლიტველ დეპუტატს რას ერჩოდა ბატონი კობახიძე? ისიც კრიმინალების მფარველია? საინტერესოა უკრაინის სახალხო დამცველს შეუშვებენ თუ არა ციხეში, რომელიც დღეს ჩამოვიდა საქართველოში ვიზიტით. თვითლუსტრაცია მოახდინა კობახიძემ ამ განცხადებით: ჩვენ რეალურად გვითხრა, რომ ასეთი გზავნილებით ესაუბრება რუსეთი დასავლეთს, „ჩვენ გვქვია დემოკრატია, მაგრამ თქვენი საქმე არ არის როგორ აღვასრულებთ დემოკრატიულ პრინციპებს, როგორ დავიცავთ ქვეყანაში კანონის უზენაესობას, ან როგორ არჩევნებს ჩავატარებთ“. ამის შემდეგი ნაბიჯი არის ის: „ქართული ოცნება“ იმას იტყვის, რომ „ეუთოს“ შეფასება არ არის ჩვენთვის რელევანტური, რადგან არჩევნებს ვატარებთ ისე, როგორც მიგვაჩნია სწორად და მიზანშეწონილად“, - აღნიშნა სამადაშვილმა.

როგორც ოპოზიციონერმა პოლიტიკოსმა განაცხადა, „ქართული ოცნება“ რუსეთის ინტერესებს ატარებს და მნიშვნელოვანია დასავლეთის ჩართულობა, რომ საქართველო მარტო არ დარჩეს რუსეთთან პირისპირ.

„ყოველ დღე იცვლება ვითარება ქვეყანაში და არ ვიცით, ხვალ სად ვიქნებით. ეს ხელისუფლება პირდაპირ ატარებს რუსეთის ინტერესებს ჩვენს ქვეყანაში. ჩვენი დემოკრატიული ოპოზიციის, ჩვენი ქვეყნის და იმ ხალხის, ვისაც სურს თავისუფალ საზოგადოებაში ცხოვრება, ამოცანაა, რომ მარტო არ დაგვტოვონ რუსეთის პირისპირ და სწორედ ამიტომ არის მნიშვნელოვანი საერთაშორისო ჩართულობა. ამიტომ, მთავარია, რომ მაქსიმალურად ჩავრთოთ ჩვენი პარტნიორები იმ პროცესებში, რაც ქვეყანაში ხდება და შემდეგ გზა და გზა გამოიკვეთება კონკრეტულად, რა მოთხოვნები არსებობს. ისეთ პროცესში ვართ, ხვალ შეიძლება სხვა რაღაც დადგეს სააკაშვილთან მიმართებაში დღის წესრიგში. მთავარია ხელისუფლებამ უზრუნველყოს გამჭირვალე და სანდო ინფორმაცია სააკაშვილის ჯანმრთელობაზე და შემდეგ სანდო პროცესი მისი ჯანმრთელობის და სიცოცხლის დასაცავად. თუ არ გვსურს უფრო ღრმად არ შევიდეთ ისეთ კრიზისში, რომლიდანაც შეიძლება ვეღარანაირმა საერთაშორისო ჩართულობამ ვეღარ გამოგვიყვანოს, თუ აქეთ მიჰყავს სიტუაცია ხელისუფლებას, მაშინ გასაგები უნდა იყოს ქართველი ხალხისთვის, რომ ხელისუფლება მიაქანებს სრული კატასტროფისკენ, საიდანაც უკან ამოსასვლელი გზა აღარ გვექნება“, - განაცხადა სალომე სამადაშვილმა.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
შეიძინე Samsung-ის სმარტფონი მხოლოდ ოფიციალური ჰოლოგრამით და ჩაერთე Trade-In აქციაში
„სიმეტრია პარკი“ ოქროყანაში - თბილისს მალე ახალი ჯანსაღი საცხოვრებელი გარემო შეემატება
ჰუალინგის თავისუფალმა ინდუსტრიულმა ზონამ საერთაშორისო აღიარება მოიპოვა
„თქვენს გზავნილზე ახალი საჩუქარია“ - ლიბერთი საერთაშორისო ფულად გზავნილებზე ახალი კამპანიას იწყებს
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს