ანა ნაცვლიშვილმა პარლამენტში მოშიმშილე დეპუტატები მოინახულა

„ლელოს” წევრმა ანა ნაცვლიშვილმა პარლამენტში მოშიმშილე დეპუტატები მოინახულა. როგორც ნაცვლიშვილმა ჟურნალისტებს განუცხადა, აუცილებელია, რომ შექმნილ ვითარებაში ადეკვატური გამოსავალი მოიძებნოს.

„მიმაჩნია, რომ ამ ვითარებაში გარდაუვალი და აუცილებელია მოიძებნოს ადეკვატური გამოსავალი, რომელიც ერთადერთ საკითხს - სიცოცხლის და ჯანმრთელობის უფლების უზრუნველყოფას ეხება. აქ საუბარი სხვა რამეზე არაა”, - განაცხადა ნაცვლიშვილმა.

რაც შეეხება იმას, აქვს თუ არა მოლოდინი, რომ ხელისუფლება ოპოზიციის პროტესტის შემდეგ დათმობაზე წავა, ნაცვლიშვილი ამბობს, რომ ოპოზიციას არა მოლოდინის, არამედ მოქმედების ვალდებულება აქვს.

„როდესაც პოლიტიკაში ხარ, მოლოდინი არის ძალიან დაბალი თამასა. ჩვენ გვაქვს მოქმედების ვალდებულება და ვმოქმედებთ საიმისოდ, რომ მოიძებნოს ადეკვატური გამოსავალი სიცოცხლის და ჯანმრთელობის უზრუნველსაყოფად", - განაცხადა ნაცვლიშვილმა.

შეგახსენებთ, რომ დღეს მიხეილ სააკაშვილის შიმშილობის 47-ე დღეა. ამასთან, პარლამენტში შიმშილობა გამოაცხადეს ოპოზიციონერმა დეპუტატებმა: დავით კირკიტაძემ, აკაკი მინაშვილმა, თემურ ჯანაშიამ, ბაჩუკი ქარდავამ, ნიკა მაჭუტაძემ, გიორგი გოდაბრელიძემ, სულხან სიბაშვილმა, ლევან ბეჟაშვილმა, აბდულა ისმაილოვმა. მანამდე პარლამენტში შიმშილობა „დროას“ ლიდერმა, ელენე ხოშტარიამ დაიწყო, რომელიც უკვე მე-14 დღეა შიმშილობს. გარდა პარლამენტის დეპუტატებისა, შიმშილობა გამოაცხადა „ნაციონალური მოძრაობის“ წევრმა გიორგი ბარამიძემ, რომელიც პარტიის ოფისში შიმშილობს. ყველა მოშიმშილე მიხეილ სააკაშვილის სამოქალაქო კლინიკაში გადაყვანას მოითხოვს.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა