საქართველოს ბიზნეს ასოციაციამ ფრანგ პარტნიორებს საქართველოში არსებული ბიზნეს კლიმატი და საინვესტიციო პოტენციალი გააცნო

საქართველოს ბიზნეს ასოციაციამ საფრანგეთის უმსხვილესი ბიზნეს გაერთიანების, MEDEF International-ის დელეგაციას უმასპინძლა.

საქართველოს ბიზნეს ასოციაციის ცნობით, შეხვედრის ფარგლებში ასოციაციამ „აწარმოე საქართველოში“ წარმომადგენელთან ერთად, ფრანგ პარტნიორებს გააცნო საქართველოს საინვესტიციო პოტენციალი და ზოგადად, ქვეყანაში არსებული ბიზნეს კლიმატი.

მათი განმარტებით, საფრანგეთის დელეგაციის შემადგენლობაში იყვნენ 20 კომპანიის, მცირე და საშუალო ბიზნესების წარმომადგენლები სხვადასხვა სექტორიდან, როგორიცაა საბანკო საქმიანობა, ტელეკომუნიკაციები, ტრანსპორტი, ენერგია, კონსულტირება და სოფლის მეურნეობა.

„მოხარულნი ვართ, რომ ჩვენი საერთაშორისო პარტნიორები აქტიურად სტუმრობენ საქართველოს და ბიზნეს ასოციაციის წევრ კომპანიებს უცხოელ პარტნიორებთან მჭიდრო კომუნიკაციის შესაძლებლობა ეძლევათ. ჩვენ შევეცადეთ გაგვეცნო ფრანგი კოლეგებისთვის საქართველოს საინვესტიციო პოტენციალი და ზოგადად ქვეყანაში არსებული ბიზნეს კლიმატი. ვიმედოვნებთ, რომ ჩვენი წევრი კომპანიებისა და უცხოელი პარტნიორების ურთიერთობა გაღრმავდება და პროდუქტიული იქნება, როგორც ბიზნეს სექტორისთვის, ასევე ქვეყნისთვის“,- განაცხადა საქართველოს ბიზნეს ასოციაციის პრეზიდენტმა, სოსო ფხაკაძემ.

ცნობისათვის, MEDEF International არა-კომერციული ორგანიზაციაა, რომელიც საფრანგეთის ბიზნეს კონფედერაციას და კონფედერაციის წევრ 800 ათასამდე კომპანიას აერთიანებს. იგი ხელს უწყობს მსოფლიო მასშტაბით ფრანგული კომპანიების მიერ ინვესტიციების განხორციელებას, საერთაშორისო ვაჭრობას და ნოუ-ჰაუს დანერგვას.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა