ბექა ლილუაშვილი - პოლიტიკური ზეწოლის ის ნიაღვარი, რაც ჩვენს წინააღმდეგ წინასაარჩევნოდ მიმდინარეობდა, დღესაც გრძელდება

პოლიტიკური ზეწოლის ის ნიაღვარი, რომელიც ჩვენს წინააღმდეგ წინასაარჩევნოდ მიმდინარეობდა, დღესაც გრძელდება-ზეწოლა, მუქარა, ტერორი ყველა იმ მეწარმის, ადამიანის მიმართ, ვინც ჩვენი მხარდაჭერის სურვილს გამოიჩენს,-ასე მიმართა პარტია „საქართველოსთვის“ პოლიტიკური საბჭოს წევრმა, დეპუტატმა ბექა ლილუაშვილმა „ქართული ოცნების“ დეპუტატებს პარლამენტის სხდომაზე.

ლილუაშვილის თქმით, დღევანდელი ხელისუფლება ძალაუფლებას ჩაბღაუჭებულია და ცხრა წლის თავზე, „ქართული ოცნებიდან“ ტყუილი და სიძულვილი დარჩა.

„ერთი წამით შეჩერდით, თავი დაანებეთ ამ ძალაუფლებაზე ჩაბღაუჭებას. იქნებ მოახერხოთ და გაიაზროთ როგორ სახელმწიფოს აშენებს დღეს „ოცნება“?! რა ჰქვია სახელმწიფოს, სადაც ფაქტობრივად, მოშლილია ყველა ინსტიტუტი? რა ჰქვია სახელმწიფოს, სადაც მმართველი პარტია, რომელიც ხელისუფლებაშია, მხოლოდ ტყუილით პასუხობს ქვეყნის საერთაშორისო პარტნიორებს, მხოლოდ სიძულვილით მოქმედებს საკუთარი პოლიტიკური ოპონენტების წინააღმდეგ? ტყუილი და სიძულვილი, სამწუხაროდ, ეს არის ის, რაც დარჩა „ქართული ოცნებიდან“ მე-9 წლის თავზე. ყველა მიღწევა, რისთვისაც მთელი ამ პერიოდის განმავლობაში ჩვენს მოქალაქეებთან ერთად მივაღწიეთ, აღარ არსებობს. ამას გვითითებენ ჩვენი საერთაშორისო პარტნიორები, რომლებსაც თქვენ ცალკეულ „ნაციონალური მოძრაობის“ მხარდამჭერ ინდივიდებს ეძახით და არა ამ ქვეყნის დასავლური მომავლის მხარდამჭერებს“,-განაცხადა ლილუაშვილმა.

მისი თქმით, მმართველი ძალა განაგრძობს ტერორს და დაშინებას იმ მეწარმეების და ადამიანების მიმართ, რომლებიც პარტია „საქართველოსთვის“ მხარდაჭერას გამოხატავენ.

„ამ ყველაფრის შედეგი არის ის, რომ რაც შეიძლება დიდხანს შეინარჩუნოთ ის ძალაუფლება, რაც „ოცნებას“ აქვს. თქვენ არ გაინტერესებთ ამ ძალაუფლების შედეგი, ეს ნიაღვარი დღესაც გრძელდება-ზეწოლა, მუქარა, ტერორი ყველა იმ მეწარმის, ადამიანის მიმართ, ვინც გამოიჩენს ჩვენი მხარდაჭერის ნიშანს. ფინანსური პოლიცია იქნება, სუს-ი თუ პოლიცია, რომლის ძირითადი მთავარი პრობლემა არის ოკუპაცია, ამ ინსტიტუტების რესურსი მომართულია დაშინებაზე, პოლიტიკურ ტერორზე ჩვენი მხარდამჭერი ადამიანების მიმართ“,-აცხადებს ლილუაშვილი.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
სოფიო გრაკალიშვილი - მომხმარებელს ვურჩევდი დეტალურად შეადაროს რამდენიმე სადაზღვევო კომპანიის პირობები და მხოლოდ ამის შემდეგ მიიღოს გადაწყვეტილება
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია