გლდანის რაიონში, პატარა ტბის დასახლებაში გზების რეაბილიტაცია მიმდინარეობს

თბილისის მერია გლდანის რაიონში, პატარა ტბის დასახლებაში გზების რეაბილიტაციას ახორციელებს. ამ დროისთვის, სამუშაოები ინგუშეთის ქუჩაზე, მაისურაძის ქუჩის I შესახვევსა და მიმდებარე ჩიხებში მიმდინარეობს, - ამის შესახებ ინფორმაციას თბილისის მერია ავრცელებს.

მათივე ცნობით, პროექტის მიმდინარეობას დედაქალაქის მერი კახა კალაძე, მერის მოადგილე ირაკლი ბენდელიანთან ერთად გაეცნო.

„დღეს კიდევ ერთი ინფრასტრუქტურული პროექტი დავასრულეთ. ეს არის გლდანის რაიონში პატარა ტბის მიმდებარე ტერიტორია. კონკრეტულად, ინგუშეთის ქუჩა და მიმდებარე ჩიხები მიწისქვეშა კომუნიკაციებით, სრულად რეაბილიტირდა. მოეწყო საგზაო ინფრასტრუქტურა. მოსახლეობის თხოვნაა საზოგადოებრივი ტრანსპორტი. ჩვენ მათ დავპირდით, რომ სამუშაოების დასრულებისთანავე, საზოგადოებრივი ტრანსპორტი იმოძრავებს ათწუთიანი შუალედით. ეს ადგილობრივი მოსახლეობისთვის ძალიან მნიშვნელოვანია. არის მონაკვეთები, სადაც გარე განათების პრობლემაა. ამასაც მოვაგვარებთ“, - განაცხადა კახა კალაძემ.

პროექტის ფარგლებში, 1 400 მეტრ გზის სავალ ნაწილზე ასფალტის ორფენიანი საფარი იგება. საგზაო სამუშაოების დასრულების შემდეგ, ქუჩებზე გარე განათების ახალი ქსელი მოეწყობა.

თბილისის მერიის ინფორმაციით, პატარა ტბის დასახლებაში, ინგუშეთის ქუჩაზე, მაისურაძის ქუჩის შესახვევებსა და ჩიხებში, დღემდე მოსახლეობა გრუნტის გზით სარგებლობდა. დასახლების არსებობის მანძილზე ასფალტიანი გზა პირველად ეწყობა, რის შემდეგაც, მოსახლეობის მოთხოვნით, აღნიშნულ ქუჩებზე საზოგადოებრივი ტრანსპორტი დაინიშნება.

პროექტით გათვალისწინებული სამუშაოები, რომლისთვისაც დედაქალაქის ბიუჯეტიდან 600 000 ლარი გამოიყო, უახლოეს დღეებში მთლიანად დასრულდება.

დედაქალაქის მერთად ერთად, ადგილზე თბილისის მერიის ინფრასტრუქტურის განვითარების საქალაქო სამსახურის უფროსი გიორგი აბუთიძე, ასევე, გლდანის რაიონის გამგებელი ლევან ნაროუშვილი და საკრებულოს მაჟორიტარი დეპუტატი კონსტანტინე ზარნაძე იმყოფებოდნენ.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს