გიგა ბოკერია - მე ყველას შიმშილობის წინააღმდეგი ვარ იმ რეჟიმის ბუნებიდან გამომდინარე, რომელსაც ვუპირისპირდებით

მე ყველას შიმშილობის წინააღმდეგი ვარ იმ რეჟიმის ბუნებიდან გამომდინარე, რომელსაც ვუპირისპირდებით - არ შეიძლება, გათვლა გვქონდეს რეჟიმის რაციონალურ ნაბიჯებზე, რომელიც ერთი მხრივ მორყეულია, მაგრამ მეორე მხრივ, სურს ძალის დემონსტრირება მოახდინოს, - ამის შესახებ ჟურნალისტებთან "ევროპული საქართველოს" ლიდერმა გიგა ბოკერიამ პარლამენტში "დროას" ლიდერის ელენე ხოშტარიას მონახულების განაცხადა, რომელიც უკვე მე-14 დღეა შიმშილობს.

მისი თქმით, ოპოზიცია გრძელვადიანი ბრძოლისთვის უნდა იყოს მზად, ამ პირობებში კი პრობლემაა ის, რომ შიმშილობის შედეგად ადამიანების სიცოცხლე საფრთხეშია.

"სარისკო ვითარებაა, მე სწორედ ამიტომ ვარ შიმშილობის მოწინააღმდეგე ისეთი რეჟიმის პირობებში განსაკუთრებით, როგორთანაც ჩვენ გვაქვს საქმე, ეს ძალიან სარისკო ამბავია და იმედი მაქვს, რომ ეს მდგომარეობა სწრაფად იქნება განმუხტული, რადგან ადამიანების სიცოცხლეა საფრთხეში და ამ შემთხვევაში ელენე ხოშტარიასი. რეჟიმს, ივანიშვილს და მის გარემოცვას ახლა აქვს ამოცანა, რომ ძალის დემონსტრირება მოახდინოს პერმანენტულად, ჩვენ წინააღმდეგობისთვის უნდა ვიყოთ მზად რაც არ უნდა დიდი დრო საჭირდებოდეს ამას. ამ შემთხვევაში პრობლემაა სწორედ შიმშილობა, რადგან ეს პროცესი თუ იწელება, რისი ნიშნებიც არის, შიმშილობა ამ დროს ქმნის დრამატულ საფრთხეს ადამიანების სიცოცხლის,"- განაცხადა ბოკერიამ.

მისივე თქმით, ხელისუფლებას შეეძლო რომ გადაედგა გარკვეული ნაბიჯები, რომელიც სიტუაციას არ გაამწვებდა და არც მათ შეუქმნიდა საფრთხეს, თუმცა, მათი მიზანი სწორედ ვითარების გამწვავებაა და ძალის დემონსტრირებაა.

"სააკაშვილის გლდანში გადაყვანის ამოცანა ხომ სწორედ ის იყო, რისი დემონსტრირებაც მოაწყვეს იქ კრიმინალებმა. მარტო სააკაშვილის დამცირება კი არ ხდება, ტრადიციების დანგრევა ხდება და ისეთი ჭრილობის გახსნა, რაც ძალიან რთული განსაკურნებელი იქნება, ამისთვის გააკეთეს ეს. მათი რიტორიკა ჯანდაცვასთან დაკავშირებით მეორადია, მთავარი მათთვის იყო ამის დემონსტრირება, რომ შეუძლიათ ასე მოიქცნენ და იქცევიან, თორემ, ბევრი სხვა გამოსავალი არსებობდა, მათ შორის, ისეთი, რომელიც რეჟიმს პრობლემას არ შეუქმნიდა, მაგრამ არ გაამწვავებდა ვითარებას, სწორედად რომ ვითარების გამწვავება არის რეჟიმის ამოცანა, რომ წინააღმდეგობა გატეხოს, საბოლოო ჯამში, ამიტომ არის მნიშვნელოვანი რომ ჩვენ მზად ვიყოთ ამ ბრძოლისთვის, ოღონდ ამ ბრძოლაში ჯანმრთელობა და სიცოცხლე არის საფრთხის ქვეშ,"- განაცხადა ბოკერიამ.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება