ნინო ლომჯარია - ძალიან მოულოდნელი და მიუღებელია, რომ უკრაინის სახალხო დამცველს საკუთარი მოქალაქის მონახულებაზე და ციხეში შესვლაზე უარი უთხრეს

სახალხო დამცველის ნინო ლომჯარიას შეფასებით, გულდასაწყვეტია ის ფაქტი, რომ უკრაინის სახალხო დამცველს საქართველოს ექსპრეზიდენტის, მიხეილ სააკაშვილის ციხეში მონახულების საშუალება არ მიეცა.

როგორც მან ჟურნალისტებს განუცხადა, საქართველომ პატივი უნდა სცეს ადამიანის უფლებათა დაცვის ორგანიზაციებს.

"ეს არის ძალიან გულდასაწყვეტი. ჩვენ სულ ცოტა ხნის წინ ურთიერთთანამშრომლობის მემორანდუმი გავაფორმეთ უკრაინის ომბუდსმენთან. მას ასევე ჰქონდა ძალიან კარგი საქმიანი შეხვედრა იუსტიციის მინისტრთან. ძალიან მოულოდნელი და მიუღებელია ის, რომ უკრაინის სახალხო დამცველს საკუთარი მოქალაქის მონახულებაზე და ციხეში შესვლაზე უარი უთხრეს. ასევე მინდა ვთქვა, რომ უკრაინის ომბუდსმენის აპარატი არის ადამიანის უფლებათა ეროვნული ინსტიტუტი, რაც ნიშნავს იმას, რომ საერთაშორისო საზოგადოების მხრიდან ეს ინსტიტუტი აღიარებულია, რომ სრულად შეესაბამება საერთაშორისო პრინციპებსა და სტანდარტებს, რითაც უნდა ხელმძღვანელობდნენ ადამიანის უფლებათა დაცვის ეროვნული ინსტიტუტები. მე მხარს ვუჭერ უკრაინის ომბუდსმენის აპარატს და ვფიქრობ,საქართველომ არა მხოლოდ, როგორც მეგობარმა სახელმწიფომ, არამედ ქვეყანამ, რომელიც პატივს სცემს ადამიანის უფლებათა ორგანიზაციებს, მაქსიმალურად უნდა შეუწყოს ხელი ამ პროცესის გამჭვირვალობას", - განაცხადა ლომჯარიამ.

ცნობისთვის, უკრაინის სახალხო დამცველის, ლუდმილა დენისოვას განცხადებით, მიხეილ სააკაშვილთან შესვლაზე უარი უთხრეს.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“