ფინანსთა მინისტრი - 2022 წელს ჯანდაცვის მიმართულების დაფინანსება მილიარდ 861 მილიონი ლარია, საიდანაც 500 მილიონი ლარი გათვალისწინებულია პანდემიასთან დაკავშირებული ხარჯებისთვის

2022 წელს ჯანდაცვის მიმართულების დაფინანსება მილიარდ 861 მილიონი ლარია, საიდანაც 500 მილიონი ლარი გათვალისწინებულია პანდემიასთან დაკავშირებული ხარჯებისთვის, - ამის შესახებ ფინანსთა მინისტრმა, ლაშა ხუციშვილმა 2022 წლის ბიუჯეტის პროექტის გადამუშავებული ვერსიის წარდგენისას განაცხადა.

მისი თქმით, წელს ამ მიმართულებით 900 მილიონ ლარზე მეტია გამოყოფილი, თუმცა მინისტრის თქმით, ეს არ არის საკმარისი და პარლამენტში დამატებით შემოვა ცვლილებები 2021 წლის ბიუჯეტში, იმისათვის, რომ შეუფერხებლად განხორციელდეს ინფიცირებულთა მკურნალობის ხარჯების დაფინანსება.

„როდესაც წელს კოვიდ ჯანდაცვაზე მილიარდზე მეტი თანხაა საჭირო, ჩნდება კითხვა, თუ რამდენად საკმარისია მომდევნო წელს 500 მილიონი ლარი. რა თქმა უნდა, არსებობს რისკი, რომ ეს თანხა არ იქნება საკმარისი მომდევნო წელს, თუმცა 2 ძირითადი მიზეზია, რის გამოც ამ მიმართულებით დანახარჯები უნდა შემცირდეს. პირველი - ეს არის ვაქცინების შესყიდვა, რაზედაც წელს 150 მილიონ ლარზე მეტი მიიმართა და შექმნილია შესაბამისი მარაგი, რომელიც საკმარისია მომდევნო წელს ვაქცინაციის პროცესისთვის, მეორე და უფრო მნიშვნელოვანია - იმუნიტეტის მქონე მოსახლეობის რაოდენობა. დღეის მდგომარეობით, ვაქცინირებულია მილიონ 100 ათასამდე ჩვენი მოქალაქე. გარდა ამისა, ვირუსი ოფიციალურად დადასტურებული აქვს 800 ათასამდე ჩვენს მოქალაქეს, თუმცა სავარაუდოდ გადატანილი კიდევ უფრო მეტს აქვს. შესაბამისად, წლის ბოლომდე დამატებითი ვაქცინაციის გათვალისწინებით მოსალოდნელია, რომ იმუნური ფენა გადააჭარბებს მოსახლეობის 65 პროცენტს. აღნიშნული მნიშვნელოვნად შეამცირებს მომდევნო წელს ინფიცირების და შესაბამისად, მკურნალობასთან დაკავშირებულ ხარჯებს. აქვე, მინდა ყველა ჩვენს მოქალაქეს ვუსურვო ჯანმრთელობა და ამავდროულად მოვუწოდო მაქსიმალურად ჩაერთონ ვაქცინაციის პროცესში", - აღნიშნა ფინანსთა მინისტრმა, ლაშა ხუციშვილმა.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება