თენგიზ ცერცვაძე - გვჭირდება სულ მცირე 40-50 ათასი ვაქცინირება დღეში, რათა რადიკალური გარდატეხა მოვახდინოთ  პანდემიის ზრდაში

მიუხედავად ასეთი საგანგაშო, მძიმე ეპიდსიტუაციისა, მაინც მიმაჩნია, რომ მკაცრი შეზღუდვების და „ლოკდაუნების“ შემოღება დღეს საქართველოში გაუმართლებელი და შეუძლებელი იქნება, - ამის შესახებ თბილისის ინფექციური საავადმყოფოს გენერალურმა დირექტორმა, თენგიზ ცერცვაძემ ჟურნალისტებს განუცხადა.

მისი თქმით, ქვეყანაში კიდევ ერთხელ მკაცრი რეგულაციების ამოქმედება, ეკონომიკას სერიოზულ დარტყმას მიაყენებს, რაც, ცერცვაძის შეფასებით, შემდგომში, მოსახლეობის მდგომარეობაზე აისახება.

როგორც თენგიზ ცერცვაძემ აღნიშნა, საზოგადოებას არსებული მძიმე ეპიდემიოლოგიური მდგომარეობა ბოლომდე გააზრებული არ აქვს.

„დღეს ქვეყანაში შექმნილია ვაქცინაციისთვის ალბათ, მსოფლიოში საუკეთესო ხელშემწყობი პირობები. შემოტანილია განუსაზღვრელი რაოდენობით საუკეთესო ვაქცინა, გახსნილია განუსაზღვრელი რაოდენობის ვაქცინაციის პუნქტები, მათ შორის მოძრავი პუნქტები, ავტობუსები, გამოცხადებულია მარათონი, ჯანდაცვის სამინისტროს ხელმძღვანელები ჩადიან რაიონებში, სოფლებში. სოფელ-სოფელ დადიან, შემოღებულია მატერიალური წახალისება, თან სერიოზული მატერიალური წახალისება 60 წელს გადაცილებული ადამიანებისთვის. 200 ლარი ერთჯერადად, ფაქტობრივად, ეს ერთი თვის პენსიის რაოდენობაა. ამის მიუხედავად, ოდნავ გაიზარდა ვაქცინირებულთა რიცხვი, მაგრამ არასაკმარისად. გვჭირდება სულ მცირე 40-50 ათასი ვაქცინირება დღეში, რათა მოვახდინოთ რადიკალური გარდატეხა პანდემიის ზრდაში.

მიუხედავად ასეთი საგანგაშო, მძიმე სიტუაციისა, მაინც მიმაჩნია, რომ მკაცრი შეზღუდვების და „ლოკდაუნების“ შემოღება დღეს საქართველოში გაუმართლებელი და შეუძლებელი იქნება. არა და ევროპის ზოგიერთმა ქვეყანამ უკვე მიმართა ამას, არაფერს ვამბობ რუსეთზე. ასევე, ისეთმა ცივილიზებულმა ქვეყნებმაც კი, როგორიც ნიდერლანდები და ავსტრიაა, განიხილავენ გარკვეული მკაცრი შეზღუდვების დაბრუნებას, მიუხედავად იმისა, რომ ისინი სრულად ვაქცინირებულნი არიან. თუმცა, ჩვენთან, ამ ეტაპზე ყოვლად გაუმართლებელი იქნება, შესაძლოა მან დადებითი გავლენა მოახდინოს ახალი შემთხვევების და გარდაცვალების დინამიკაზე, მაგრამ ის გამოიწვევს ეკონომიკის კიდევ ერთხელ ღრმა კრიზისში ჩავარდნას, შემცირდება შემოსავლები და ძალიან მძიმე ტვირთად იგრძნობს მოსახლეობა ამას. გამოსავლს ვხედავ, გარდა იმისა, რომ არის ეკონომიკური წახალისება 60 წელს გადაცილებულებისთვის, ყველას არ აქვს გააზრებული, რომ სასიკეთო ერთ ინექციაში აკეთებენ ორ საქმეს: გადაარჩენენ საკუთარ სიცოცხლეს და რისკის ქვეშ არ დააყენებს თავის გარშემო მყოფი პირების სიცოცხლეს, დამატებით, აიღებენ თავისი თავისთვის სასარგებლო მანიპულაციაში 200 ლარს“, - განაცხადა თენგიზ ცერცვაძემ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა