ამხანაგურ შეხვედრაში საქართველოს 21-წლამდელთა საფეხბურთო ნაკრებმა ინგლისი ანგარიშით 3:2 დაამარცხა. მატჩი ბათუმში გაიმართა.
საქართველოს ნაკრების მხრიდან დუბლის ავტორი გახდა „საბურთალოს“ შემტევი, გიორგი გულიაშვილი. საქართველოს მხრიდან მესამე გოლი გიორგი გოჩოლეიშვილმა გაიტანა.
შეხვედრის მეორე ნახევარში ინგლისელებმა ორი ბურთის გატანა მოახერხეს. სტუმართა მხრიდან გოლები კლინტონ მოლამ და მარკ გუეიმ გაიტანეს.