ექსპერტთა ჯგუფის წევრი ექიმი სააკაშვილზე - ჩემი პირადი აზრია, რომ N18 სამკურნალო დაწესებულებაში ასეთი პაციენტის მკურნალობა არ არის მიზანშეწონილი

სახალხო დამცველის მიერ შექმნილი ექსპერტთა ჯგუფის წევრის, ანესთეზიოლოგ - რეანიმატოლოგის გიორგი გრიგოლიას აზრით, N18 სამკურნალო დაწესებულებაში მიხეილ სააკაშვილის მდგომარეობის მქონე პაციენტის მკურნალობა არ არის მიზანშეწონილი.

ექიმი აცხადებს, რომ ინტენსიური თერაპიის პალატა ადგილზე ორი კვირის წინ შეიქმნა, საკმაოდ კარგად არის აღჭურვილი, ხოლო პერსონალი რესპუბლიკური საავადმყოფოდან გადაიყვანეს, თუმცა დაწესებულებას ინტენსიური თერაპიის გამოცდილება არ აქვს და პაციენტს, როგორიც მიხეილ სააკაშვილია, სჭირდება ინტენსიური თერაპია.

რაც შეეხება სააკაშვილის ჯანმრთელობის მდგომარეობას, ექსპერტის შეფასებით, მდგომარეობა მძიმე არ არის, თუმცა რამდენიმე დღეში დამძიმდება.

„სააკაშვილი ნამდვილად შიმშილობს, ამას ადასტურებს ყველა, ვინც იქ არის. მდგომარეობა ვერ ვიტყვი, რომ საკმაოდ მძიმეა, მაგრამ ძალიან ახლოს არის იმისკენ, რომ რამდენიმე დღეში დამძიმდება. მის ანალიზებში არის ისეთი ცვლილებები, რომელიც საჭიროებს ინტენსიურ თერაპიას და მკურნალობას.

რაც შეეხება ინფრასტრუქტურას, ეს არის შექმნილი ორი კვირის წინ, არის ინტენსიური თერაპიის პალატა გაკეთებული, საკმაოდ კარგად აღჭურვილი, სტაფი გადმოყვანილია რესპუბლიკური საავადმყოფოდან, იქ არის მორიგე ანესთეზიოლოგი, რეანიმატოლოგი და მორიგე ექთანი ყოველ დღე. უარყოფით არის ის, რომ ინტენსიური თერაპიის გამოცდილება ამ დაწესებულებას არ აქვს. ადრე ასეთი რამ არ იყო და ისეთი პაციენტი, როგორიც არის დღევანდელ დღეს მიხეილ სააკაშვილი, ის ჯერ არ საჭიროებს რეანიმაციულ ღონისძიებებს, მას სჭირდება ინტენსიური თერაპია.

საბოლოო დასკვნებს, ალბათ ერთმანეთში შევჯერდებით, რადგან სხვადასხვა საქმეებით ვიყავით დაკავებული, მაგრამ ჩემი პირადი აზრი არის, რომ ამ დაწესებულებაში ასეთი პაციენტის მკურნალობა არ არის მიზანშეწონილი“, - განაცხადა მან.

რაც შეეხება დაწესებულების ლიცენზიას, ექსპერტის თქმით, „რეანიმაციული დაწესებულების ლიცენზია არავის წარუდგენია, მაგრამ არც თავად მოუთხოვიათ“.

„იქ რესპუბლიკური საავადმყოფოდან ლიცენზირებული ექიმები მორიგეობენ ყოველ დღე. რაც შეეხება განოფილების ლიცენზიას, არავის წარმოუდგენია. ასეთი პაციენტი არ საჭიროებს მარტო ანესთეზიოლოგებს და რეანიმატოლოგებს, ეს საჭიროებს თერაპევტებს, რადგან ხანგრძილივი შიმშილობის მერე, იქ არის მეტაბოლური ცვლილებები, რომელსაც სჭირდება სწორი კვება და კონტროლი“, - განაცხადა გიორგი გრიგოლიამ.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“