ოპოზიცია მორიგ საპროტესტო მსვლელობას 19 ნოემბერს გამართავს

„ნაციონალური მოძრაობა“, „ლელო“, „გირჩი მეტი თავისუფლებისთვის“ და „დროა“ 19 ნოემბერს, 15:00 საათზე მეტროსადგურებიდან „ავლაბარი“, „ვაგზლის მოედანი“ და „უნივერსიტეტი“ მსვლელობას გამართავენ.

როგორც „ნაციონალური მოძრაობის“ თავმჯდომარე ნიკა მელიამ დღეს გამართულ ბრიფინგზე განაცხადა, მეტრო „ავლაბართან“ მსვლელობას სათავეში „ნაციონალური მოძრაობის“, „ვაგზლის მოედანთან“ - „ლელოს“, ხოლო „უნივერსიტეტთან“ „გირჩი მეტი თავისუფლებისთვის“ და „დროას“ ლიდერები ჩაუდგებიან.

„ყველა ხვდება, რომ საქართველოში სწრაფი ტემპით ყალიბდება რუსული ტიპის ავტოკრატია. ჩვენ „ქართული ოცნების“ რეჟიმი გვართმევს ისტორიულ არჩევანს, რომელიც გულისხმობს კანონის უზენაესობაზე, ადამიანის უფლებათა დაცვაზე მდგომ სახელმწიფოს, რომელიც უნდა იყოს ინტეგრირებული ცივილიზებულ დემოკრატიულ სამყაროსთან. ამ ყველაფერზე ღიად განაცხადეს უარი. ამაზე ღიად, საჯაროდ და გულწრფელად „ქართული ოცნება“ ვერასდროს ვეღარ გვეტყვის, რომ ისტორიული არჩევანი იცვლება. ჩვენი, საქართველოს მოქალაქეების ვალია, განურჩევლად პროფესიისა, სტატუსისა, ყველას გვაქვს ერთი მიზანი და ამოცანა, რომ არ მოხდეს ის, რაც მოხდა რუსეთსა და ბელარუსში - რუსული ტიპის ავტოკრატიამ საქართველოში ფესვები ვერ უნდა გაიდგას. ამიტომ ვაგრძელებთ, საპროტესტო, უწყვეტ, არაძალადობრივ მოძრაობას. ერთობლივად მივიღეთ გადაწყვეტილება „ნაციონალურმა მოძრაობამ“, „ლელომ“, „გირჩი მეტი თავისუფლებისთვის“ და „დროამ“, რომ პარასკევს, 15:00 საათზე თბილისში, სამი განსხვავებული ლოკაციიდან მსვლელობა, მანიფესტაცია, დემონსტრაცია გაიმართოს.

მეტროსადგურ „ავლაბართან“, პარასკევს 15:00 საათზე შეიკრიბება „ნაციონალური მოძრაობის“ მხარდამჭერთა დიდი ჯგუფი და ვიქნებით იქ წარმომადგენლები. მეტროსადგურ „ვაგზლის მოედანთან“ იმავე დროს მსვლელობას სათავეში ჩაუდგებიან „ლელოს“ წარმომადგენლები და ლიდერები, მეტროსადგურ „უნივერსიტეტთან“ კი მსვლელობას სათავეში ჩაუდგებიან „გირჩისა“ და „დროას“ ლიდერები,“- განაცხადა ნიკა მელიამ.

იხილეთ ვიდეო

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა