დავით სერგეენკო - თუკი ექიმების კონსოლიდირებული პოზიცია იქნება, რომ ციხის სამკურნალო დაწესებულებაში პირობები არ არის, მიხეილ სააკაშვილი უნდა იქნას გადაყვანილი

თუკი ექიმების კონსოლიდირებული პოზიცია იქნება, რომ ციხის სამკურნალო დაწესებულებაში პირობები არ არის და მიხეილ სააკაშვილი გადასაყვანია, უნდა იქნას გადაყვანილი, - ამის შესახებ ჟურნალისტებს პარლამენტის ვიცე-სპიკერმა დავით სერგეენკომ განუცხადა.

აქვე სერგეენკომ განმარტა, რომ კონსოლიდირებულ პოზიცია იმას ნიშნავს, რომ სასჯელაღსრულების სისტემისა და სამოქალაქო სექტორის ექიმები ერთად უნდა დასხდნენ და გადაწყვეტილება ობიექტურ მონაცემებზე დაყრდნობით მიიღონ.

„აქამდე ასეთი კონსოლიდირებული პოზიცია არ მინახავს. ვნახულობ ცალკეულს - პირობითად ადრინდელი კონსილიუმის წევრების ნაწილის, გუშინდელი კონსილიუმის წევრების ნაწილის და ცალკე - სასჯელაღსრულების სისტემის ექიმების. გადამწყვეტი უნდა იყოს კონსოლიდირებული პოზიცია და არა პოლიტიკური პოზიცია“, - განაცხადა დავით სერგეენკომ.

სერგეენკოს თქმით, ამ გადაწყვეტილების მიღებაში პოლიტიკის ჩარევა, სიტუაციას რევს და არის დაძაბულობა, რამაც პოტენციურად პაციენტის ჯანმრთელობის შეიძლება საფრთხე შეუქმნას.

"რაც შეეხება გუშინდელ კონსილიუმს, რომლის ორგანიზებაც სახალხო დამცველმა გააკეთა, ზოგადად, კლინიკურ მედიცინაში ალტერნატიული კონსულტაცია მიღებულია. ამ კონსილიუმის მონაწილე ექიმებს პრაქტიკულად ყველას ვიცნობ. ისინი ნამდვილად ავტორიტეტული ექიმები არიან. მნიშვნელოვანია, რომ ერთმანეთში ექიმები შეჯერდნენ. ვვარაუდობ, რომ მათი დასკვნა, იქნება გამოსადეგი და სასარგებლო სასჯელაღსრულების სისტემაში მომუშავე ექიმებისთვის, რათა თუკი რაიმე გამოსასწორებელია, გამოსწორდეს და უკეთესი სერვისი გვქონდეს.

პაციენტის მოვლაზე კონცენტრირებული უნდა იყოს სამედიცინო პერსონალი, რათა მას საუკეთესო სერვისი ჰქონდეს - არ ვიცი, რა შუაშია აქ მესამე მხარე და სტრასბურგის სასამართლო.

ძალიან მნიშვნელოვანია, რომ პაციენტის მოვლა პოლიტიკოსებმა ექიმებს აცალონ! შიმშილობის დროს სავარაუდო გართულებებზე, რა ეტაპზე რა შეიძლება მოხდეს - ამაზე არის საერთაშორისო, წარმოუდგენლად დეტალური პროტოკოლები, სადაც ყველა პარამეტრი არის თვლადი. ამ პროტოკოლთან შესაბამისობაში უნდა შემოწმდეს და თუკი რაიმე შეიძლება ადგილზე გამოსწორდეს, გამოსწორდეს ადგილზე, ხოლო თუკი გამოსწორება ადგილზე შეუძლებელია, იზრუნონ პირობებზე, სადაც ეს იქნება“, - განაცხადა დავით სერგეენკომ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა