კონსენსუსი, შეთანხმება სისუსტე არ არის - მნიშვნელოვანია პოლიტიკოსებმა პრობლემის გადაჭრის გზებთან დაკავშირებით დაილაპარაკონ, - ამის შესახებ “ახალგაზრდა იურისტთა ასოციაციის“ თავმჯდომარემ ნიკოლოზ სიმონიშვილმა განაცხადა, რომელმაც პარლამენტში მოშიმშილე დეპუტატები მოინახულა.

სიმონიშვილის თქმით, შექმნილ ვითარებაში აუცილებელია გარკვეული ნაბიჯების გადადგმა და გარკვეულ შეთანხმებამდე მისვლა.

„ჩვენი რჩევა იქნება, რომ მნიშვნელოვანია პარტიებმა ერთმანეთთან დაილაპარაკონ - გაიაზრონ, რა პრობლემების წინაშე ვდგავართ და ამ ყველაფერის შემდეგ, გარკვეულ შეთანხმებას მიაღწიონ. შეთანხმება შეიძლება გარკვეულ კონსენსუსსაც მოიცავდეს. ყველაზე მნიშვნელოვანია ქვეყნის ინტერესების და ადამიანის უფლებების დაცვა. პოლიტიკური პარტიები სწორედ ამ ძირითადი ღირებულებებით უნდა მოქმედებდნენ“, - განაცხადა ნიკოლოზ სიმონიშვილმა.