სოზარ სუბარი - კანონით დადგენილ ვადაში, კონკრეტულად რომელი თვითმმართველობა რომელ დღეს დაამტკიცებს ბიუჯეტს, ეს მათი გადასაწყვეტია

კანონით დადგენილ ვადაში, კონკრეტულად რომელი თვითმმართველობა რომელ დღეს დაამტკიცებს ბიუჯეტს, ეს მათი გადასაწყვეტია, - ამის შესახებ პარლამენტის რეგიონული პოლიტიკისა და თვითმმართველობის კომიტეტის თავმჯდომარემ სოზარ სუბარმა განაცხადა.

სუბარმა აქვე ხაზგასმით აღნიშნა, რომ ადგილობრივი თვითმმართველობები დამოუკიდებელი ორგანოებია და აღმასრულებელი და საკანონმდებლო ხელისუფლება მათ საქმიანობაში არ ჩაერევა.

„საკრებულოებმა მუნიციპალური ბიუჯეტის პროექტი კანონით დადგენილ ვადაში უნდა მიიღონ. თვითმმართველობა დამოუკიდებელია და მათ საქმეში ცენტრალური ხელისუფლება, პარლამენტი ვერ ჩაერევა. საკითხს თითოეული მუნიციპალიტეტი თავად გადაწყვეტს და კანონის შესაბამის გადაწყვეტილებას მიიღებს. თუ სადმე კანონი ირღვევა, ინფორმაცია მიგვაწოდონ და პარლამენტიდან განგაშს ავტეხავთ. მათ შორის ოპოზიციონერ დეპუტატებს შეუძლიათ, პარლამენტში შემოვიდნენ და განგაში ატეხონ, მაგრამ არ მგონია, სადმე კანონი ირღვეოდეს", - განაცხადა სოზარ სუბარმა.

მანვე აღნიშნა, რომ იქ, სადაც ოპოზიციამ გაიმარჯვა, „თავის საქმეს მიხედოს“.

"სადაც ჩვენ ვართ უმრავლესობაში, ჩვენ ჩვენს საქმეს მივხედავთ. სადაც ერთობლივად არის რაღაც გადასაწყვეტი, ერთად გადავწყვიტავთ. სადაც მოლაპარაკება იქნება შესაძლებელი, მოილაპარაკებენ. ეს არის პოლიტიკური პროცესი მუნიციპალურ დონეზე - ეს ვიღაცას მოსწონს, ვიღაცას - არა", - განაცხადა სუბარმა.

ვიტალი ბალა - თუ რუსეთმა უკრაინის საზღვრებიდან თავისი სამხედროების გაყვანა არ დაიწყო, ცხადი გახდება, რომ ბაიდენი და პუტინი უკრაინასთან დაკავშირებით ვერაფერზე შეთანხმდნენ
გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 09.12.2021
ოქროყანაში რეკრეაციულ სამკუთხედში მოქცეული უნიკალური საცხოვრებელი უბანი სიმეტრია პარკი შენდება
„ვისოლ ავტო ექსპრესი” ავტომომსახურების ცენტრების ქსელის განვითარებას განაგრძობს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით