მამუკა მდინარაძე არასამთავრობო ორგანიზაციების განცხადებაზე - როგორც უნდათ ჭრიან და კერავენ - როცა ოპოზიცია პირდაპირ აგინებს პარტნიორებს, ამას ვერ ამჩნევენ

როგორც უნდათ ჭრიან და კერავენ - როცა ოპოზიცია პირდაპირ აგინებს დასავლელ პარტნიორებს, ამას ვერ ამჩნევენ, ამიტომ ჯერ ის შეამჩნიონ არასამთავრობო ორგანიზაციებმა და მერე არასწორ ინტერპრეტაციებზე რომ გადავლენ, მივუთითებთ ხოლმე, - ამის შესახებ ჟურნალისტებთან ფრაქცია "ქართული ოცნების" თავმჯდომარე მამუკა მდინარაძემ არასამთავრობო სექტორის მხრიდან ხელისუფლების კრიტიკის საპასუხოდ განაცხადა.

მისი თქმით, "ქართული ოცნების" ხელისუფლების პირობებში დასავლური კურსი არ გადაიხედება და ვერც სხვა ხელისუფლება მოახერხებს ამ კონსტიტუციური პრინციპის გადახედვას.

„როცა ისინი პირდაპირ აგინებენ, ამას ვერ ამჩნევენ, ამიტომ ჯერ ის შეამჩნიონ. დარწმუნებული ვარ, რასაც ვამბობ, საგარეო კურსი არ გადაიხედება, ეს ჩვენ კონსტიტუციაში ჩავწერეთ, რომ ევროპულო ოჯახის სრულფასოვანი წევრი უნდა გავხდეთ და ყველამ თავი დაანებოს სისულეების ლაპარაკს და სპეკულაციებს, "- განაცხადა მდინარაძემ.

დღეს არასამთავრობო სექტორმა ერთობლივი განცხადება გაავრცელა, სადაც აღნიშნულია, რომ ხელისუფლება სულ უფრო კამპანიურ ფორმას აძლევს დასავლელ პარტნიორებზე თავდასხმას და მსგავსი ქმედებებით ქვეყანას ისტორიულ არჩევანს აშორებს.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს