„აგროჰაბი“ თსუ-ს სტუდენტებს სწავლას დაუფინანსებს

პირველი ნატურალური პროდუქტების ჰიპერმარკეტი „აგროჰაბი“ ქსელში დასაქმებულ თსუ-ს სტუდენტ-თანამშრომლებს სწავლის საფასურს დაუფინანსებს.

აღნიშნულ ინფორმაციას თბილისის სახელმწიფო უნივერსიტეტი ავრცელებს. თსუ-ს პრესსამსახურის ინფორმაციით, ამის შესახებ მემორანდუმს ხელი ივანე ჯავახიშვილის სახელობის თბილისის სახელმწიფო უნივერსიტეტის რექტორმა გიორგი შარვაშიძემ და „აგროჰაბის“ დირექტორმა ლაშა გოცირიძემ მოაწერეს.

„ამ ხელშეკრულებით ჩვენს სტუდენტებს საშუალება მიეცემათ თავიანთ სამუშაო გრაფიკი შეუსაბამონ სწავლის პროცესს. დიდი ხნის განმავლობაში გვინდოდა მსგავსი პროექტის განხორციელება. გამოჩნდა „აგროჰაბი“ ასეთი წინადადებით. ჩვენ მივესალმებით ამ ინიციატივას, რომელიც ღირსეული დასაქმებით გაზრდის სტუდენტების მოტივაციას სწავლისადმი“, - აღნიშნა გიორგი შარვაშიძემ.

როგორც თსუ-ში აცხადებენ, 2021 წლის ნოემბრიდან სტუდენტებს შესაძლებლობა ეძლევათ, გამოიყენონ უნიკალური შანსი, დასაქმდნენ „აგროჰაბში“ და მიიღონ სასწავლო გრანტი 600 ლარამდე, რაც ზოგიერთი სტუდენტისთვის სწავლის დარჩენილი ნაწილის 90%-მდე შეადგენს. გარდა ამისა, სტუდენტი-დასაქმებულები კომპანიის თანამშრომლებისთვის განსაზღვრული სხვა შეღავათებითაც ისარგებლებენ. „ჩვენი მიზანია სტუდენტებს, რომლებიც ამჟამად სწავლობენ სხვადასხვა სპეციალობაზე, მივცეთ შესაძლებლობა სწავლის პარალელურად დასაქმდნენ „აგროჰაბში“.

ჩვენ მაქსიმალურად ვცდილობთ, ჩვენთან დასაქმებულებს შევუქმნათ კომფორტული გარემო. გვაქვს მუშაობის მოქნილი გრაფიკი, ანაზღაურებადი სტაჟირების პრაქტიკა, ბონუსების და ლოიალობის სისტემები და სხვა საინტერესო სამოტივაციო სქემები. ამ პროექტის წამოწყებით კი, გვინდა ვიზრუნოთ იმ ადამიანებზე, ვისთვისაც გარდა დასაქმებისა, პრიორიტეტი ასევე არის განათლება და განვითარება.

უნდა აღვნიშნო, რომ ამ ინიციატივის დაფინანსებით „აგროჰაბს“ თავისი წვლილი შეაქვს შრომისმოყვარე ახალგაზრდების განათლების საქმეში“, - განაცხადა „აგროჰაბის“ დირექტორმა ლაშა გოცირიძემ.

პროექტის ფარგლებში რამდენიმე ასეული დასაქმებული სტუდენტის წახალისება იგეგმება.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
სოფიო გრაკალიშვილი - მომხმარებელს ვურჩევდი დეტალურად შეადაროს რამდენიმე სადაზღვევო კომპანიის პირობები და მხოლოდ ამის შემდეგ მიიღოს გადაწყვეტილება
"არქი" ოქროს ბრენდის გამარჯვებული გახდა
ისტორიული დღე ვატიკანში - პირველად, სიქსტის კაპელაში, ქართული გალობა გაისმა
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია