საქართველოს ელჩმა შვედეთის მეფესთან აუდიენცია გამართა

საქართველოს საგანგებო და სრულუფლებიანმა ელჩმა, ირაკლი ხუცურაულმა შვედეთის მეფესთან, კარლ გუსტავ XVI-სთან აუდიენცია გამართა. ამის შესახებ ინფორმაციას საგარეო საქმეთა სამინისტრო ავრცელებს.

უწყების ცნობით, შვედეთის მეფემ განსაკუთრებული ინტერესი გამოხატა ქართული ეროვნული ტანისამოსის და ღვინის ისტორიის მიმართ.

„აუდიენციისას ირაკლი ხუცურაულმა შვედეთის მეფეს დეტალურად მოუთხრო საქართველოს ისტორიის, კულტურის და ბაგრატიონთა სამეფო დინასტიის უძველესი ტრადიციების შესახებ. მან ასევე ისაუბრა როგორც ქართული ტრადიციული მეთოდით ღვინის დაყენების კულტურაზე, ასევე ჩოხისა და ყაბალახის ისტორიასა და დანიშნულებაზე.

ელჩმა მეფეს გააცნო საქართველოს და შვედეთს შორის თანამშრომლობის ძირითადი მიმართულებები და საკუთარი საქმიანობის პრიორიტეტებზე მოახსენა. ამასთან, ხაზი გაესვა ორ ქვეყანას შორის პარტნიორული ურთიერთობების გაღრმავების აუცილებლობას.

გარდა ამისა, განიხილეს სოფლის მეურნეობის, ტურიზმის განვითარების, ჰუმანიტარულ და კულტურის სფეროებში თანამშრომლობის გაღრმავების შესაძლებლობები.

ირაკლი ხუცურაულმა გამოთქვა სურვილი, რომ 2022 წელს, საქართველოს და შვედეთს შორის დიპლომატიური ურთიერთობების აღდგენის 30 წლის იუბილესთან დაკავშირებით, შვედეთში საქართველოს საელჩოს მიერ დაგეგმილ მაღალი დონის ღონისძიებებში შვედეთის სამეფო ოჯახიც მიიღებს მონაწილეობას.

ელჩმა მეფეს საქართველოს პრეზიდენტისგან და საქართველოს პრემიერ-მინისტრისგან მოკითხვა გადასცა და იმედი გამოთქვა, რომ ის უახლოეს მომავალში საქართველოს ესტუმრება”, - ნათქვამია ინფორმაციაში.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 04.07.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
სოსო ტყემალაძე - აბასთუმნის კურორტის განვითარებისთვის, რომლის ინიციატივა ბიძინა ივანიშვილს ეკუთვნის, 1.3 მილიარდი ლარი დაიხარჯება
ბილბორდი - საქართველო - BILLBOARD GEORGIA - საქართველოში მუსიკალურ ჩარტებსა და სიახლეებს შემოიტანს