ინოვაციების და ტექნოლოგიების სააგენტოს 650 000-ლარიანი საგრანტო პროგრამის ფარგლებში სტარტაპმა B2C.GE-მ 525 000 ლარი გრანტის სახით მიიღო

საქართველოს ინოვაციების და ტექნოლოგიების სააგენტოს 650 000 - ლარიანი საგრანტო პროგრამის ფარგლებში სტარტაპმა B2C.GE - მ 525 000 ლარი გრანტის სახით მიიღო.

საქართველოს ინოვაციების და ტექნოლოგიების სააგენტოს ინფორმაციით, B2C.GE ელექტონული კომერციის პლატფორმაა - ე.წ. no-code გადაწყვეტა, რომელიც საშუალებას აძლევს ბიზნესებს მარტივად და დამოუკიდებლად, ყოველგვარი ინვესტიციის გარეშე, შექმნან სრულყოფილი ონლაინ მაღაზია და დაიწყონ გაყიდვები, როგორც ადგილობრივ, ისე საერთაშორისო ბაზარზე.

„B2C.GE-ის მეშვეობით დღეს აქტიურად ოპერირებს საქართველოში ონლაინ მაღაზიები, როგორც ადგილობრივი მეწარმეებისთვის, ისე საერთაშორისო, გლობალური ბრენდებისთვის.

კომპანია 2018 წლის ბოლოს დაარსდა, 2019 წლის დასაწყისში სტარტაპმა GITA-ს თანადაფინანსების გრანტების პროგრამაში გაიმარჯვა, მიღებული გრანტი პლატფორმის სრულყოფას მოხმარდა. 2020 წლის შემოდგომაზე კომპანიამ გაიარა 500Startups - ის აქსელერაციის პროგრამა, რაც დაეხმარა მას საერთაშორისო ბაზარზე გასვლისთვის და ინვესტიციების მოზიდვის პროცესისთვის მომზადებაში. GITA - ს გრანტს სტარტაპი გამოიყენებს საერთაშორისო ბაზრების ათვისებისთვის, კონრეტულად კი მეზობელ ქვეყნებსა და შუა აზიის ქვეყნებში შესვლისათვის. კომპანია აზერბაიჯანის, სომხეთის და თურქეთის ბაზრებზე პილოტირებისთვის უკვე მზად არის, 2022 წლის მეორე ნახევრიდან კი ფოკუსირებას მოახდენს შუა აზიის ქვეყნებზე.

საქართველოს ინოვაციების და ტექნოლოგიების სააგენტომ 650 000 - ლარიანი საგრანტო პროგრამა, მსოფლიო ბანკის ფინანსური მხარდაჭერით, 2019 წლის 22 მაისს დაიწყო. პროგრამის მიზანია, მოახდინოს ინოვაციების, ინოვაციური საწარმოების შექმნის სტიმულირება და ჩართვა ქვეყნის ეკონომიკაში. პროგრამის მეშვეობით ქართული მიკრო, მცირე და საშუალო საწარმოები, რომელთაც გააჩნიათ პოტენციალი საკუთარი ინოვაცია განავითარონ და წარადგინონ მსოფლიოს დონეზე, მოახდენენ ინოვაციური პროდუქტის პოზიციონირებას გლობალურ ბაზარზე. პროგრამის ფარგლებში ფინანსდება გლობალური პოტენციალის მქონე პროდუქტი - ტექნოლოგიური ან ბიზნეს-პროცესული ინოვაცია, რომელიც ნათლად ასოცირებული იქნება საქართველოსთან“, - აღნიშნულია ინფორმაციაში.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 03.12.2021
ირაკლი მელაშვილი - დროა, პოლიტიკოსებმა გააცნობიერონ, რომ მართვის ცენტრალიზებული სისტემა დამაზიანებელია როგორც ქვეყნისთვის, ისე თავად მმართველი პარტიისთვის
შეიძინე სახლი და მიიღე რემონტი საჩუქრად - "იდეა დეველოპმენტში" საჩუქრების ცვენა დაიწყო
კარფური უკვე რუსთავშია - ფრანგული ბრენდის 57 ფილიალი და პირველი ჰიპერმარკეტი ქვემო ქართლში
ბინები ბაკურიანში წინასწარი შენატანის გარეშე და საუკეთესო საახალწლო შეთავაზებით
ლიბერთის პარტნიორობით Future Agro Challenge გაიმართება
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები