თეთრიწყაროს მუნიციპალიტეტში, სოფლის განვითარების პროგრამის თანადაფინანსებით, ხის მულჩისა და ბრიკეტების წარმოება დაიწყო

თეთრიწყაროს მუნიციპალიტეტის სოფელ ორბეთში, სოფლის განვითარების პროგრამის ფინანსური მხარდაჭერით, კომპანიამ „ტიჩი“ ხის მულჩისა და ბრიკეტის წარმოება დაიწყო.

სოფლის განვითარების სააგანეტოს ინფორმაციით, საწარმოს სიმძლავრე საათში 6-8 ტონა ნედლეულის გადამუშავებაა. საწარმოს შესაქმნელად, სრული ინვესტიცია 200,000 ლარზე მეტია, საიდანაც 165, 000 ლარი სოფლის განვითარების პროგრამის გრანტია. საწარმოში 14 ადგილობრივია დასაქმებული. ზამთრის პერიოდში კომპანიის „ტიჩი“ წარმოებული ბრიკეტებით დმანისისა და ბოლნისის მუნიციპალიტეტში მოქმედები საჯარო სკოლები მომარაგდება.

მათივე ცნობით, სოფლის განვითარების სააგენტოს დირექტორი ილია თამარაშვილი და საქართველოში ევროკავშირის წარმომადგენლობის სოფლის განვითარების, სამოქალაქო უსაფრთხოებისა და კრიზისების მართვის პროგრამების მენეჯერი ქეთევან ხუციშვილი სოფელ ორბეთში იმყოფებოდნენ, სადაც ახლადგახსნილ საწარმოში სამუშაო პროცესს გაეცნენ.

„სოფლის განვითარებისთვის, როგორც სასოფლო-სამეურნეო, ასევე არასასოფლო-სამეურნეო ეკონომიკური აქტივობის ხელშეწყობა სტრატეგიით განსაზღვრული ამოცანებია. ამ მიმართულებით მნიშვნელოვან მიზნობრივ პროექტებს ვახორცილებთ და ადგილობრივ ინიციატივებს ვუწევთ მხარდაჭერას”, - განაცხადა სოფლის განვითარების სააგენტოს დირექტორმა, ილია თამარაშვილმა.

როგორც სოფლის განვითარების სააგანეტოს ინფორმაციაშია ნათქვამი, „ევროკავშირი საქართველოს მასშტაბით, სოფლის განვითარების დახმარებისთვის ძალიან ბევრ ღონისძიებას ატარებს. ერთ-ერთი მათგანია გაეროს განვითარების პროგრამის მეშვეობით განხორციელებული პროექტი, რომელიც, სოფლის განვითარების სააგენტოსთან ერთად, საგრანტო პროგრამის მეშვეობით, ადამიანებს აძლევს ინოვაციური ღონისძიებების განვითარების საშუალებას“, - აღნიშნა საქართველოში ევროკავშირის წარმომადგენლობის სოფლის განვითარების, სამოქალაქო უსაფრთხოებისა და კრიზისების მართვის პროგრამების მენეჯერმა ქეთევან ხუციშვილმა.

„სოფლის განვითარების პროგრამას“ სოფლის განვითარების სააგენტო (RDA) ევროკავშირისა (EU) და გაეროს განვითარების პროგრამის (UNDP) მხარდაჭერით „სოფლისა და სოფლის მეურნეობის განვითარების ევროპის სამეზობლო პროგრამის” (ENPARD) ფარგლებში ახორციელებს.

„სოფლის განვითარების პროგრამა” ქედას, ხულოს, ბორჯომის, ახალქალაქის, თეთრიწყაროს, ყაზბეგის, ლაგოდეხისა და დედოფლისწყაროს მუნიციპალიტეტებში ხორციელდება. პროგრამის მიზანია სოფლად არასასოფლო-სამეურნეო სამეწარმეო საქმიანობის განვითარების მხარდაჭერა. პროგრამის ფარგლებში დაფინანსებულია 48 პროექტი, ინვესტიციის ჯამური ღირებულება 7 მლნ ლარს აჭარბებს, თანადაფინანსება 5 მილიონ ლარზე მეტია“, - ნათქვამია ინფორმაციაში.

კახა გოგოლაშვილი - იმ ლოგიკით, რა ლოგიკითაც მოქმედებს ხელისუფლება ქვეყნის შიგნით და გარეთ, აზიანებს ქვეყნის ევროპულ პერსპექტივას
ქართული პრესის მიმოხილვა 03.12.2021
იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები
კახა ოქრიაშვილი - უკანონოდ დანიშნული მოსამართლეები მართლმსაჯულების სისტემის გარეთ დარჩებიან
გამჭვირვალე და მნიშვნელოვანი ინფორმაციის წყარო მედიკამენტებზე - "ფარმადეპომ" ახალი პორტალი SANDO.COM.GE პრეზენტაცია გამართა
აიღეთ „ვითიბიში“ იპოთეკური სესხი უცხოურ ვალუტაში და მომენტალურად დაიბრუნეთ თანხის 2%
დაადგინეთ თქვენი კომპანიის ციფრული სიმწიფე BDO Digital-თან ერთად
“მწვანე კონცხი ბოტანიკო” საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
„ავერსის“ თვითმომსახურების აპარატი - სწრაფად, მარტივად, ურიგოდ