იმ ფონზე, როდესაც სამედიცინო თემებთან დაკავშირებით ინფორმაციის დამატებითი წყაროები გაჩნდა, დღეს, კომიტეტის ფორმატში, დაგეგმილია პენიტენციური დაწესებულების სამედიცინო პერსონალთან შეფასებითი ვიზიტი, - აღნიშნული განცხადება პარლამენტის ადამიანის უფლებათა დაცვის კომიტეტის თავმჯდომარე მიხეილ სარჯველაძემ ბიუროს სხდომაზე გააკეთა.

მისი თქმით, მიმდინარეობს საუბარი ოპოზიციის წარმომადგენლებთან, რომ ისინიც იყვნენ ჩართული და მათგან თანხმობას ელიან.

პარლამენტის ბიურომ ადამიანის უფლებათა დაცვის კომიტეტს სამედიცინო სფეროს წარმომადგენელთა მიერ წარდგენილი 1383 მოქალაქის ხელმოწერილი პეტიცია გადასცა. პეტიციის ხელმომწერები სამედიცინო დახმარების მიღების მიზნით ექსპრეზიდენტის მიხეილ სააკაშვილის სამოქალაქო კლინიკაში დაუყოვნებლივ გადაყვანას ითხოვენ.