პარლამენტის პლენარული სხდომა ვერ გაიხსნა და გაურკვეველი დროით გადაიდო. დეპუტატების ინფორმაციით, ტექნიკური პრობლემა სისტემას შეექმნა, რის გამოც მათ რეგისტრაცია ვერ გაიარეს. მათივე ინფორმაციით, ტექნიკური ხარვეზის გამოსწორების შემთხვევაში, პლენარული სხდომა დღის მეორე ნახევარში, 16:00 საათზე განახლდება.
დღევანდელი პლენარული სხდომის მთავარი საკითხი სახელმწიფო მინისტრის თეა ახვლედიანის მოსმენაა, რომელიც პარლამენტში „მინისტრის საათის" ფორმატში მივიდა.