მამუკა მდინარაძე - გულწრფელად, ელენე ხოშტარიას ჯანმრთელობა უფრო მაღელვებს - ელემენტარული ადამიანობა რომ ჰქონდეს სააკაშვილს, მარტო მის გამო შეწყვეტდა შიმშილობას

გულწრფელად, ელენე ხოშტარიას ჯანმრთელობა უფრო მაღელვებს. რეალურად მგონია, რომ მართლა გაცილებით უფრო ცუდად არის, ვიდრე მიხეილ სააკაშვილი, რომელიც სხვადასხვა მიზეზის გამო თავს კარგად გრძნობს, როგორც ჩანს, - ამის შესახებ ფრაქცია „ქართული ოცნების“ თავმჯდომარემ მამუკა მდინარაძემ განაცხადა.

როგორც მდინარაძემ აღნიშნა, სააკაშვილისა და ხოშტარიას შიმშილობას შორის განსხვავება ცასა და დედამიწას შორის მსგავსია.

„გულწრფელად გეტყვით, მე უფრო მაშფოთებს ელენე ხოშტარიას მდგომარეობა, გუშინ ჩემი თვალითაც ვნახე. ამ შემთხვევაში აბსოლუტურად გამორიცხეთ კომენტარი პოლიტიკოსისგან, როგორც ამ ქვეყნის ერთი ჩვეულებრივი მოქალაქე შევეცდები ვიყო აბსოლუტურად ნეიტრალური ერთი წამით, ამ ინტერვიუს მიცემის დროს - რაც ვნახე 40 დღის ნაშიმშილარი სააკაშვილი, როგორ იქცეოდა და როგორი ფიზიკური მონაცემებით იყო წარმოდგენილი იმ კადრებში, არავის რომ არ მოგვეწონა მაინცდამაინც სხვადასხვა მიზეზებით და რაც ვნახე გუშინ, როდესაც მივედით და ელენე ხოშტარია მოვინახულეთ 15 დღის შემდეგ - აი, ცასა და დედამიწას შორის როგორი სხვაობა, სიშორე და განსხვავებაა, ისე არის. მე, გულწრფელად, ელენე ხოშტარიას ჯანმრთელობა უფრო მაღელვებს და იმიტომ კი არა, რომ მის მიმართ უფრო ლოიალური ვარ ან ამის უფლება არ მაქვს, იმიტომ, რომ რეალურად მგონია, რომ მართლა გაცილებით უფრო ცუდად არის ვიდრე მიხეილ სააკაშვილი, რომელიც სხვადასხვა მიზეზის გამო თავს კარგად გრძნობს, როგორც ჩანს“, - განაცხადა მამუკა მდინარაძემ.

მისი თქმით, „ელემენტარული ადამიანობა რომ ჰქონდეს სააკაშვილს, მარტო ხოშტარიასთვის შეწყვეტდა შიმშილობას“.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“