დიმიტრი საძაგლიშვილი - მესამე პრეზიდენტი არის შთაბეჭდილების ქვეშ სახალხო დამცველის ეგიდით შექმნილი სპეციალისტების ჯგუფის კვალიფიციურობით და თავად სახალხო დამცველის ინსტიტუტის მიმართ

მესამე პრეზიდენტი არის შთაბეჭდილების ქვეშ სახალხო დამცველის ეგიდით შექმნილი სპეციალისტების ჯგუფის კვალიფიციურობით და თავად სახალხო დამცველის ინსტიტუტის მიმართ, - ამის შესახებ მიხეილ სააკაშვილის ადვოკატმა დიმიტრი საძაგლიშვილმა გლდანის მეთვრამეტე სამკურნალო დაწესებულების დატოვების შემდეგ განაცხადა.

საძაგლიშვილის ინფორმაციით, მიხეილ სააკაშვილი არის სუსტად, მისი ჯანმრთელობის მდგომარეობა ყოველდღიურად უარესდება და როდის დადგება კრიზისული პერიოდი, რომელსაც შეიძლება გამოუსწორებელი შედეგი მოჰყვეს, უცნობია.

,,მისი ჯანმრთელობის მდგომარეობის შესახებ მოვისმინეთ კვალიფიური შეფასება ექსპერტ ექიმთა ჯგუფის მხრიდან. ახლა ნებისმიერ დროს შეიძლება სააკაშვილის მდგომარეობა დამძიმდეს კრიტიკულად და საჭირო გახდეს გადაუდებელი სამედიცინო მომსახურების გაწევა, რისი რესურსიც მეთვრამეტე სამკურნალო დაწესებულებაში ფიზიკურად არ არსებობს”, - აღნიშნა დიმიტრი საძაგლიშვილმა.

ის ასევე გამოეხმაურა ,,ქართული ოცნების” თავმჯდომარე ირაკლი კობახიძის განცხადებას, რომლის მიხედვით ის, რაც სახალხო დამცველის ეგიდით შექმნილნა კონსილიუმმა გააკეთა „ფეიკია“ და თუ ამ დასკვნას გარკვეული გაგრძელება მოჰყვება, შეიძლება ომბუდსმენისა და კონკრეტული ექიმების პირდაპირი პასუხისმგებლობის საკითხი დადგეს. ადვოკატის შეფასებით, ყველა ვინც კობახიძისთვის მიუღებელ პოზიციას აფიქსირებს არის ,,ნაცი”, შესაბამისად ხელისუფლების არაადეკვატურ განცხადებებზე პროგნოზის გაკეთება შეუძლებელია.

„ჩვენ არ ვართ მიჩვეული ადეკვატურ განცხადებებს ირაკლი კობახიძის მხრიდან. ყველა ვინც მისთვის მიუღებელ პოზიციას აფიქსირებს არის „ნაცი“, მგონი მარტო მამუკა მდინარაძე არ ჰგონია „ნაციონალი“. შესაბამისად, რა შედეგი მოჰყვება მის განცხადებებს ჩემთვის უცნობია და ვერ გავაკეთებ პროგნოზს იმდენად არაადეკვატურად იქცევა ხელისუფლება”, - აღნიშნა დიმიტრი საძაგლიშვილმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა