სახელმწიფო მინისტრის განცხადებით, გამყოფი ხაზების სიახლოვეს მცხოვრები მოსახლეობის მხარდაჭერა და ამ სოფლების შემდგომი განვითარება სამინისტროს პოლიტიკის ერთ-ერთ უმთავრეს პრიორიტეტად დარჩება

შერიგებისა და სამოქალაქო თანასწორობის საკითხებში სახელმწიფო მინისტრის თეა ახვლედიანის განცხადებით, გამყოფი ხაზების სიახლოვეს მცხოვრები მოსახლეობის მხარდაჭერა და ამ სოფლების შემდგომი განვითარება სამინისტროს პოლიტიკის ერთ-ერთ უმთავრეს პრიორიტეტად დარჩება.

როგორც მან პარლამენტში „მინისტრის საათის“ ფორმატში მოსმენისას აღნიშნა, მხოლოდ 2021 წელს განხორციელებული, მიმდინარე და დაგეგმილი ინფრასტრუქტურული პროექტების საერთო ღირებულება 82 მლნ. ლარს აღემატება.

„2013 წელს შექმნილი უწყებათაშორისი კომისიის ფარგლებში გრძელდება ერთიანი სამთავრობო ძალისხმევა მათი სოციალურ-ეკონომიკური მდგომარეობის გასაუმჯობესებლად, სხვადასხვა ინფრასტრუქტურული, სოციალური, ჯანდაცვის თუ საგანმანთლებლო პროგრამების ფარგლებში. შედეგად, გათბობით უზრუნველყოფილია 14 000-მდე ოჯახი, გაზიფიცირებულია ჯამში 74 სოფელი, უმაღლესი განათლება დაუფინანსდა 2500-მდე სტუდენტს. განხორციელდა 20-ზე მეტი საგზაო ინფრასტრუქტურული პროექტი, დასრულდა დაგეგმილი წყალმომარაგების სისტემების მშენებლობა-რეაბილიტაციის არაერთი მასშტაბური პროექტი, განხორციელდა სკოლის შენობების, საბავშვო ბაღების რეაბილიტაციისა და სხვადასხვა ინფრასტრუქტურული პროექტები. მხოლოდ 2021 წელს განხორციელებული, მიმდინარე და დაგეგმილი ინფრასტრუქტურული პროექტების საერთო ღირებულება 82 მლნ. ლარს აღემატება.

მოსახლეობისთვის დამატებით შეღავათებს უკავშირდება, 2020-21 წლებში 22 სოფლისთვის მაღალმთიანი სოფლის სტატუსის მინიჭება, ასევე მიწის ნაკვეთების რეგისტრაციის მიმდინარე პროცესი, რაც განსაკუთრებულად მნიშვნელოვანია ადგილობრივი მოსახლეობისთვის. ეს პროგრამები მომავალშიც გაგრძელდება. კომისია უახლოეს პერიოდში განიხილავს ასევე მომდევნო წლისთვის მოსახლეობის გათბობით უზრუნველყოფისა და სტუდენტების სწავლის დაფინანსების საკითხს.

აღსანიშნავია, რომ პანდემიით განპირობებული გამოწვევების დასაძლევად, სახელმწიფო მინისტრის აპარატის ინიციატივითა და ორგანიზებით, გამყოფი ხაზის უკლებლივ ყველა სოფელში, 3,400-მდე ოჯახს, მათ შორის, სოციალურად დაუცველ ოჯახებს, ობოლ ბავშვებს, შეზღუდული შესაძლებლობების მქონე პირებს და მარტოხელა მოხუცებს, გაეწია სოციალური დახმარება. გამყოფი ხაზების სიახლოვეს მცხოვრები მოსახლეობის მხარდაჭერა და ამ სოფლების შემდგომი განვითარება ჩვენი პოლიტიკის ერთ-ერთ უმთავრეს პრიორიტეტად დარჩება.

გამყოფი ხაზის სოფლებზე საუბრისას, განსაკუთრებულად აღსანიშნავია, საქართველოს პრემიერ მინისტრის ინიციატივით მიღებული გადაწყვეტილება დაიწყოს სოფელ ზარდიაანთკარში 2008 წლის ომის შედეგად დაზიანებული სახლების აღდგენა. ამ მიმართულებით შესაბამისი აქტივობები უკვე დაწყებულია,“- განაცხადა ახვლედიანმა.

მისივე თქმით, კონფლიქტის მშვიდობიანი მოგვარების პროცესში უმნიშვნელოვანესია საერთაშორისო თანამეგობრობის როლი და ჩვენს სტრატეგიულ პარტნიორებთან მჭიდრო კოორდინაცია.

„მადლიერებას გამოვთქვამ საერთაშორისო საზოგადოების მიმართ, საქართველოს ტერიტორიული მთლიანობის, ასევე, შერიგების და ჩართულობის პოლიტიკის ფარგლებში ჩვენ მიერ ამ დრომდე გადადგმული ნაბიჯების და ინიციატივების მხარდაჭერისთვის. სახელმწიფო მინისტრის აპარატი, კომპეტენციის ფარგლებში ინტენსიურად იყენებს და მომავალში კიდევ უფრო აქტიურად გამოიყენებს ყველა არსებულ ბერკეტს, საერთაშორისო მექანიზმების ჩათვლით, რათა აღიკვეთოს საოკუპაციო რეჟიმის უკანონო ქმედებები, აღდგეს ადგილობრივი მოსახლეობის უფლებრივი მდგომარეობა და გაუმჯობესდეს მათი სოციალურ-ეკონომიკური პირობები.

ჩვენ განვაგრძობთ კონსტრუქციულ მონაწილეობას ჟენევის საერთაშორისო მოლაპარაკებებსა და ინციდენტების პრევენციისა და მათზე რეაგირების მექანიზმის (IPRM) შეხვედრებში. სწორედ დღეს ერგნეთში მიმდინარეობს IPRM-ის შეხვედრა, რაც მორიგი შესაძლებლობაა, საერთაშორისო პარტნიორების ჩართულობით, განვიხილოთ ადგილზე შექმნილი უსაფრთხოების, ჰუმანიტარული და ადამიანის უფლებრივი მდომარეობა. ასევე, განვაგრძობთ კონსოლიდირებულ ძალისხმევას გალში IPRM-ის შეხვედრების უპირობო აღდგენასთან დაკავშირებით,“- განაცხადა ახვლედიანმა.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
სოფიო გრაკალიშვილი - მომხმარებელს ვურჩევდი დეტალურად შეადაროს რამდენიმე სადაზღვევო კომპანიის პირობები და მხოლოდ ამის შემდეგ მიიღოს გადაწყვეტილება
"არქი" ოქროს ბრენდის გამარჯვებული გახდა
ისტორიული დღე ვატიკანში - პირველად, სიქსტის კაპელაში, ქართული გალობა გაისმა
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია