თენგიზ წულაძე სააკაშვილზე - ახლა სიტუაცია სტაბილურია, მონიტორინგიც მიდის, მაგრამ ისეთი გართულებებიც შეიძლება იყოს მოსალოდნელი, რომელსაც ინტენსიური მეთვალყურეობა არ ეყოფა

ახლა სიტუაცია სტაბილურია, მიხეილ სააკაშვილი მეთვალყურეობის ქვეშაა, მაგრამ ისეთი გართულებებიც შეიძლება იყოს მოსალოდნელი, რომელსაც ინტენსიური მეთვალყურეობა არ ეყოფა, - ამის შესახებ სახალხო დამცველის მიერ შექმნილი ექსპერტთა ჯგუფის ერთ-ერთმა წევრმა, თენგიზ წულაძემ გლდანის #18 პენიტენციური დაწესებულებაში ყოფილი პრეზიდენტის, მიხეილ სააკაშვილის მონახულების შემდეგ ჟურნალისტებს განუცხადა.

კითხვაზე, რამდენად შესაძლებელია, რომ მიხეილ სააკაშვილი სამოქალაქო კლინიკაში გადაიყვანონ, წულაძის თქმით, ყველა ექიმი ერთ აზრზეა, რომ პაციენტი გადაიყვანონ და შესაძლოა აღნიშნული გადაწყვეტილებაც მიიღონ. მისივე თქმით, როგორც ჩანს, სააკაშვილის გადაყვანის თაობაზე მსჯელობენ.

როგორც თენგიზ წულაძემ აღნიშნა, ამის მიუხედავად, მიხეილ სააკაშვილის ჯანმრთელობის მდგომარეობა შესაძლოა, ნებისმიერ დროს დამძიმდეს და მნიშვნელოვანია მისი გადაყვანა მულტიპროფილურ კლინიკაში.

„ყველა ექიმის რეკომენდაცია, ვისაც დღეს შევხვდით, ერთი და იგივეა - პაციენტი გადაყვანილ იქნას მულტიპროფილურ კლინიკაში. შეიძლება გადაიყვანონ, ისინი ამაზე მსჯელობენ, როგორც ჩანს. ჩვენი მოსვლაც და შეხვედრაც სამინისტროში ამის მიზეზი და გამოძახილია. ამ დაწესებულებას არ აქვს რესურსი, რომ მართოს ისეთი გართულებები, რომელიც მოსალოდნელია - ეს მათაც იციან და ამ გართულებებზე აქვთ ნათქვამი, რომ ისედაც უნდა გადაიყვანონ, თუ ეს გართულებები მოხდა, მაგრამ ჩვენი რეკომენდაციაა, რომ აქამდე საქმე არ მივიდეს და მანამდე გადაიყვანონ. რომ გადაეყვანათ გუშინ და დაწყებულიყო შესაბამისი თერაპია, შესაძლოა ეს გართულება დღეს არ გვქონოდა. ახლა სიტუაცია სტაბილურია, მონიტორინგიც მიდის, ამ წუთში მეთვალყურეობის ქვეშაა, მაგრამ ისეთი გართულებებიც შეიძლება იყოს მოსალოდნელი, რომელსაც ის ინტენსიური მეთვალყურეობა არ ეყოფა“, - განაცხადა მან.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
კახა ოქრიაშვილი - "ღალატის პარტიას" არ სურს, საქართველო გახდეს ევროკავშირის წევრი ქვეყანა
დავით ზილფიმიანი მიმართვას ავრცელებს
PSP წლის ორი უმნიშვნელოვანესი ბიზნესდაჯილდოების - „ოქროს ბრენდი 2021“ და „ეროვნული ბიზნეს რეიტინგი XXII“-ის გამარჯვებულია
„წისქვილი მცხეთაში“ – „წისქვილი ჯგუფის“ სარესტორნო ქსელს დღეიდან კიდევ ერთი გამორჩეული რესტორანი ემატება
„იმპექსში“ ყოველკვირეული, უპრეცედენტო შეთავაზებები იწყება
ახალი ლიბერთი ახალი ცხოვრებისათვის - ლიბერთის და “ტელეკლინიკა - MyDoc“-ის ჯანმრთელობის ხელმისაწვდომობის პროგრამა
„აპარტ დეველოპმენტმა“ ახალი გაყიდვების ოფისი გახსნა
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება