კელი დეგნანი ელენე ხოშტარიას დედის მიმართვაზე - ვაკეთებთ ყველაფერს - ჩვენი შრომის დიდ ნაწილს თქვენ ვერ ხედავთ, მაგრამ ბევრს ვმუშაობთ, რათა ვითარება მოგვარდეს იმდენად სწრაფად, რამდენადაც შესაძლებელია

დიპლომატიური საზოგადოება, კონკრეტულად კი ამერიკის შეერთებული შტატები ვაკეთებთ ყველაფერს. ჩვენი შრომის დიდ ნაწილს თქვენ ვერ ხედავთ, მაგრამ ჩვენ ვმუშაობთ ძალიან ბევრს, რათა ვითარება მოგვარდეს იმდენად სწრაფად, რამდენადაც შესაძლებელია,- ამის შესახებ საქართველოში ამერიკის შეერთებული შტატების ელჩმა კელი დეგნანმა „დროას“ ლიდერის, ელენე ხოშტარიას დედის, ირინა გუნცაძის მიმართვის საპასუხოდ განაცხადა.

ელჩის თქმით, ელენე ხოშტარიას გაცხადებული აქვს, რომ ის შიმშილობს, რადგან სჯერა, რომ ეს ხელს შეუწყობს ქვეყნის გრძელვადიან სტაბილურობას, თუმცა მისი ჯანმრთელობის მდგომარეობა შემაშფოთებელია.

„ჩვენ ძალიან შეშფოთებულები ვართ ელენე ხოშტარიას მდგომარეობითაც. ჩვენ ვიცით, რომ ის 2 კვირაზე მეტია შიმშილობს. ელენე ხოშტარიას გაცხადებული აქვს, რომ ის შიმშილობს, რადგან სჯერა, რომ ეს ხელს შეუწყობს ქვეყნის გრძელვადიან სტაბილურობას. ვფიქრობ, ის იმედოვნებს, რომ ეს გააერთიანებს ადამიანებს, რათა შედგეს გარკვეული დიალოგი, რომელიც გადაჭრის იმ ღრმა პოლარიზაციას, რომელიც ამ ქვეყნის პარალიზებას იწვევს. ჩვენ გვსურს დავრწმუნდეთ, რომ ის იღებს კარგ სამედიცინო მომსახურებას, რომ ის არ აყენებს საკუთარ თავს უკიდურესი რისკის ქვეშ, მიუხედავად იმისა, რომ ის არის დარწმუნებული მიზანში. ვიმედოვნებ, რომ, ასევე, სხვა მოშიმშილეები, რომლებიც აყენებენ საკუთარ ჯანმრთელობასა და კეთილდღეობას რისკის ქვეშ საკუთარი შეხედულებებისა და რწმენისთვის, იღებენ შესაბამის სამედიცინო მომსახურებას. ცხადია, რომ ისინი მოქმედებენ საკუთარი შეხედულებებისამებრ, მაგრამ შემაშფოთებელია იმის დანახვა, რომ რისკის ქვეშ არიან. მე შემიძლია დაგარწმუნოთ, რომ დიპლომატიური საზოგადოება, კონკრეტულად კი ამერიკის შეერთებული შტატები, ვაკეთებთ ყველაფერს. ჩვენი შრომის დიდ ნაწილს თქვენ ვერ ხედავთ, მაგრამ ჩვენ ვმუშაობთ ძალიან ბევრს, რათა ვითარება მოგვარდეს იმდენად სწრაფად, რამდენადაც შესაძლებელია, რათა დავრწმუნდეთ, რომ ადამიანების ჯანმრთელობასა და კეთილდღეობაზე შესაბამისად ზრუნავენ,“- განაცხადა კელი დეგნანმა.

ცნობისთვის, ელენე ხოშტარიას დედამ ირინა გუნცაძემ საერთაშორისო ორგანიზაციებსა და საელჩოებს მიმართა, მიიღონ ზომები, რადგან მისი შვილის სიცოცხლე საფრთხეშია.

„მივმართავ ყველა საერთაშორისო ორგანიზაციას, ყველა საელჩოს, სასწრაფოდ მიიღეთ ზომები, დღეს ჩემი შვილის ელენე ხოშტარიას სიცოცხლე საფრთხეშია, რომელიც თავს წირავს საქართველოსთვის, საქართველოს ყველა მოქალაქის გულისთვის. თუ ამას არ გააკეთებთ, აიღეთ მაუზერი, დაგვაყენეთ კედელთან და დაგვხვრიტეთ, როგორც 1937 წელს. ერთი პატარა ნაპერწკლით მჯერა, რომ გონს მოხვალთ. ცუდად დამთავრდება ეს ყველაფერი, გაფრთხილებთ, არ გაქვთ უფლება მოაწყოთ 37 წელი 21- ე საუკუნეში. მე კიდევ ყველაფერი არ ვთქვი, თავს ვიკავებ", - განაცხადა გუნცაძემ.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
კახა ოქრიაშვილი - "ღალატის პარტიას" არ სურს, საქართველო გახდეს ევროკავშირის წევრი ქვეყანა
დავით ზილფიმიანი მიმართვას ავრცელებს
PSP წლის ორი უმნიშვნელოვანესი ბიზნესდაჯილდოების - „ოქროს ბრენდი 2021“ და „ეროვნული ბიზნეს რეიტინგი XXII“-ის გამარჯვებულია
„წისქვილი მცხეთაში“ – „წისქვილი ჯგუფის“ სარესტორნო ქსელს დღეიდან კიდევ ერთი გამორჩეული რესტორანი ემატება
„იმპექსში“ ყოველკვირეული, უპრეცედენტო შეთავაზებები იწყება
ახალი ლიბერთი ახალი ცხოვრებისათვის - ლიბერთის და “ტელეკლინიკა - MyDoc“-ის ჯანმრთელობის ხელმისაწვდომობის პროგრამა
„აპარტ დეველოპმენტმა“ ახალი გაყიდვების ოფისი გახსნა
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება