დავით ზალკალიანი - საგარეო პოლიტიკის ერთ-ერთ მთავარ ამოცანას წარმოადგენს ევროპის ქვეყნებთან არსებული მაღალი დონის ურთიერთობების ფორმატების სტრატეგიულ დონეზე აყვანის კუთხით არსებითი შედეგების მიღწევა

ვიცე-პრემიერის, საგარეო საქმეთა მინისტრის დავით ზალკალიანის განცხადებით, საქართველოს საგარეო პოლიტიკის ერთ-ერთ მთავარ ამოცანას წარმოადგენს ევროპის ქვეყნებთან არსებული მაღალი დონის ორმხრივი ურთიერთობების ფორმატების სტრატეგიულ დონეზე აყვანის კუთხით არსებითი შედეგების მიღწევა, რაც მნიშვნელოვნად შეუწყობს ხელს ქვეყნის ფუნქციის წარმოჩენას დასავლელ პარტნიორებთან და მათი მხრიდან ევროპულ და ევროატლანტიკურ სტრუქტურებში გაწევრიანების პროცესში საქართველოს ლობირებას.

ამის შესახებ ზალკალიანმა პარლამენტში „მინისტრის საათის“ ფარგლებში სიტყვით გამოსვლისას განაცხადა.

ზალკალიანის თქმით, 2021 წელი, მიუხედავად პანდემიისა, დატვირთული იყო როგორც ორმხრივი მაღალი დონის ვიზიტების გამართვის კუთხით, ასევე პოლიტიკური კონსულტაციების დადებითი დინამიკით ისეთ ქვეყნებთან, როგორიცაა დანია, ესტონეთი, იტალია, კვიპროსი, ლატვია, ლიეტუვა, ნორვეგია, სლოვენია.

საგარეო უწყების ხელმძღვანელის ინფორმაციით, 2021 წელს ევროპის ქვეყნებთან გაიცვალა პრეზიდენტის, პრემიერ-მინისტრისა და საგარეო საქმეთა მინისტრის არაერთი ვიზიტი, მათ შორის განხორციელდა საქართველოს პრეზიდენტის ვიზიტები ავსტრიაში, ბელგიაში, ვატიკანში, კვიპროსში, საფრანგეთში, უკრაინაში, შვეიცარიაში, ჩრდილოეთ მაკედონიაში, აგრეთვე პრემიერ-მინისტრის ვიზიტები ბელგიაში, ესპანეთში და უკრაინაში და საგარეო საქმეთა მინისტრის ვიზიტები ესპანეთში, რუმინეთში, სლოვენიასა და უკრაინაში.

მისივე თქმით, ამავე წელს, საქართველომ უმასპინძლა ლიეტუვის, მონტენეგროს, პოლონეთის პრეზიდენტების ორმხრივ ვიზიტებს, უკრაინის პრემიერ-მინისტრს; უკრაინისა და მოლდოვის პრეზიდენტებს ბათუმის საერთაშორისო კონფერენციის ფარგლებში, ისევე როგორც, ევროკავშირის ეგიდით, ერთობლივი ვიზიტის ფარგლებში, ავსტრიის, ლიეტუვისა და რუმინეთის საგარეო საქმეთა მინისტრებს. ამასთან, აღსანიშნავია, რომ შედგა გაერთიანებული სამეფოს, ლატვიის, ლიეტუვის, სლოვაკეთის, უნგრეთის, შვედეთის (ეუთო-ს თავმჯდომარეობის კონტექსტში) საგარეო საქმეთა მინისტრების ვიზიტები.

მინისტრის ინფორმაციით, ორმხრივი კავშირების გაძლიერების მიზნით, აქტიურად იქნა გამოყენებული მრავალმხრივი ფორუმებიც. ამასთან, საქართველოს ვიცე-პრემიერმა სიტყვით გამოსვლისას ყურადღება გაამახვილა სტრატეგიული თანამშრომლობის ისეთ ფორმატებზე, როგორიცაა გაერთიანებულ სამეფოსთან უორდროპის სტრატეგიული დიალოგი: საფრანგეთთან - „დიმიტრი ამილახვარის სახელობის ქართულ-ფრანგული დიალოგი, ასევე აღინიშნა ქართულ-გერმანულ-ფრანგული პოლიტიკური სამკუთხედის მნიშვნელობა და ხაზი გაესვა მაღალი დონის სტრატეგიული დიალოგის გააქტიურებას უკრაინასთან.

ევროპის ქვეყნებთან სამომავლო თანამშრომლობის გეგმებზე საუბრისას, დავით ზალკალიანმა აღნიშნა სტრატეგიული ხასიათის ურთიერთობების განვითარების მნიშვნელობა ისეთ ქვეყნებთან როგორიცაა გერმანია, საფრანგეთი, გაერთიანებული სამეფო, ასევე ნორდიკულ, ბენილუქსის ქვეყნებთან და შვეიცარიასთან მზარდი დინამიკის შენარჩუნების და თანამშრომლობის ახალი, პერსპექტიული მიმართულებების გამოკვეთის აუცილებლობა.

ამასთან, საგარეო უწყების ხელმძღვანელმა ყურადღება გაამახვილა ბალტიის ქვეყნებთან ტრადიციულად მჭიდრო პარტნიორული და მეგობრული ურთიერთობების გაძლიერებაზე, საქართველო-პოლონეთის სტრატეგიული დიალოგის ფორმატის ჩამოყალიბების მნიშვნელობასა და უკრაინასთან ურთიერთობების მხრივ, საქართველო-უკრაინის სტრატეგიული პარტნიორობის საბჭოს მიმართულებების ამოქმედების და სავაჭრო-ეკონომიკური ურთიერთობების პოტენციალის სრულად გამოყენების აუცილებლობაზე.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
კახა ოქრიაშვილი - "ღალატის პარტიას" არ სურს, საქართველო გახდეს ევროკავშირის წევრი ქვეყანა
დავით ზილფიმიანი მიმართვას ავრცელებს
PSP წლის ორი უმნიშვნელოვანესი ბიზნესდაჯილდოების - „ოქროს ბრენდი 2021“ და „ეროვნული ბიზნეს რეიტინგი XXII“-ის გამარჯვებულია
„წისქვილი მცხეთაში“ – „წისქვილი ჯგუფის“ სარესტორნო ქსელს დღეიდან კიდევ ერთი გამორჩეული რესტორანი ემატება
„იმპექსში“ ყოველკვირეული, უპრეცედენტო შეთავაზებები იწყება
ახალი ლიბერთი ახალი ცხოვრებისათვის - ლიბერთის და “ტელეკლინიკა - MyDoc“-ის ჯანმრთელობის ხელმისაწვდომობის პროგრამა
„აპარტ დეველოპმენტმა“ ახალი გაყიდვების ოფისი გახსნა
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება