თეონა აქუბარდია დავით ზალკალიანს - გრძნობთ თუ არა დისკომფორტს შიდაპოლიტიკური ვითარებიდან გამომდინარე, როდესაც პარტნიორებს ესაუბრებით?

გრძნობთ თუ არა დისკომფორტს შიდაპოლიტიკური ვითარებიდან გამომდინარე, როდესაც პარტნიორებს ესაუბრებით და გულწრფელად გჯერათ თუ არა იმის, რაზეც ისაუბრეთ ნატო-სა და ევროკავშირთან დაკავშირებით ასევე, მაშინ, როდესაც საუბარია დეოკუპაციაზე? - ამ კითხვით მიმართა „სტრატეგია აღმაშენებლის" წევრმა თეონა აქუბარდიამ საგარეო საქმეთა მინისტრს, დავით ზალკალიანს, რომელსაც დღეს პარლამენტში „მინისტრის საათის“ ფორმატში უსმენენ.

აქუბარდიას შეფასებით, დღეს ქვეყანაში პარალელური რეალობაა, როდესაც სასესიო დარბაზს გარეთ დეპუტატები შიმშილობენ, დარბაზში კი, მინისტრის მოსმენა მიმდინარეობს.

„დღეს კიდევ ერთხელ გავხდი მომსწრე იმ პარალელური რეალობის, რომელიც არის დარბაზში და არის გარეთ, როდესაც 10 დეპუტატი შიმშილობს, მათ შორის, თქვენი ყოფილი კოლეგა ელენე ხოშტარია, რომლის მდგომარეობაც დღითიდღე მძიმდება. მინდა დავიწყო გამოსვლა ევროპარლამენტარის შეფასებით, როდესაც ის ამბობს, რომ საქართველოო ყველაზე შორის არის დღეს ევროპისგან, ვიდრე ოდესმე. ასევე მინდა შეგახსენოთ ის, რომ ჩვენი სტრატეგიული პარტნიორი ამერიკის შეერთებული შტატები შეშფოთებიდან გაბრაზებაზე გადავიდა თავის განცხადებებში, როდესაც ქვეყნის დემოკრატიაზეა საუბარი. ეს არის ქვეყანა სადაც პარტნიორი ქვეყნების ელჩებს და დიპლომატებს უსმენენ; ეს არის ქვეყანა, სადაც არის ღრმა პოლარიზაცია და ხელისუფლება არ იმჩნევს ფაქტს, რომ დაუყოვნებლივ არის გადასაყვანი მიხეილ სააკაშვილი საავადმყოფოში, რადგან ეს ქვეყნისთვის მნიშვნელოვანი, ღირსების საკითხია. ეს არის ქვეყანა, სადაც ჩვენ ვხედავთ, რომ ქვეყნის შიდაპოლიტიკური ვითარების დამძიმების გამო, რუსეთის არხზე ქართულ დროშაზე დგანან და ქილიკობენ იმაზე, რაც დღეს ქვეყანაში ხდება; ეს არის ქვეყანა, სადაც უმრავლესობის წევრები, მთავრობის წარმომადგენლები გვესაუბრებიან სუვერენულ დემოკრატიაზე, რითაც არის ცნობილი რუსეთი და ეს არ არის ის გზა, რომელიც საგარეო პოლიტიკის სტრატეგიულ მიზნებშია გაწერილი, ეს არ არის გზა ტერიტორიული მთლიანობის აღდგენისთვის, ეს არ არის გზა ევროპის და ნატო-ში გაწევრიანებისთვის და დემოკრატიის განმტკიცებისთვის. ამიტომ ერთი კითხვა მაქვს - გრძნობთ თუ არა დისკომფორტს შიდაპოლიტიკური ვითარებიდან გამომდინარე, როდესაც პარტნიორებს ესაუბრებით და გულწრფელად გჯერათ თუ არა იმის, რაზეც ისაუბრეთ ნატო-სა და ევროკავშირთან დაკავშირებით ასევე, მაშინ, როდესაც საუბარია დეოკუპაციაზე?“- მიმართა აქუბარდიამ ზალკალიანს.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 27.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი