სახალხო დამცველის მოადგილე მიიჩნევს, რომ „ალტ-ინფოს“ პარტიის არსებობა „ეროვნული სირცხვილია“

რუსეთი ოკუპანტია და „ალტ-ინფოს“ პარტიის არსებობა ეროვნული სირცხვილია, - ამის შესახებ სახალხო დამცველის მოადგილე გიორგი ბურჯანაძე სოციალურ ქსელში წერს, რითაც „ალტ-ინფოს“ მიერ „კონსერვატიული მოძრაობის“ დაფუძნებას გამოეხმაურა.

როგორც ბურჯანაძე განმარტავს, აღნიშნული პარტიის თავმჯდომარე არის პირი, რომელმაც დანაშაული ჩაიდინა, „მაგრამ არ სჯის შსს და პროკურატურა“.

„ ამ ხალხმა მოაწყო დამოუკიდებელი საქართველოს ისტორიაში ერთ-ერთი ყველაზე საშინელი დღე - 5 ივლისი, სადაც ადგილი ჰქონდა ძალადობის არათუ პროპაგანდას, არამედ მასობრივ ორგანიზებულ ძალადობას. ამ პარტიის თავმჯდომარე არის პირი, რომელმაც დანაშაული ჩაიდინა, მაგრამ არ სჯის მას ჩვენი შსს და პროკურატურა. კონსტიტუციის მიხედვით, ამ პარტიის აკრძალვა შესაძლებელია საკონსტიტუციო სასამართლოში. ამ პროცესის ინიცირება შეუძლია: პრეზიდენტს; მთავრობას; 30 დეპუტატს; ვინც არ გაასაჩივრებს ამ პარტიას და მის აკრძალვას არ მოითხოვს, ჩემთვის მათი ირიბი მოკავშირე და მხარდამჭერი იქნება.

რუსეთი ოკუპანტია და ამ პარტიის არსებობა ეროვნული სირცხვილია ყველაფერთან ერთად”,- წერს ბუჯანაძე.

ცნობისთვის, „ალტ-ინფომ“ კონსერვატიული მოძრაობა დღეს დააფუძნა. პარტიის დამფუძნებლები არიან - კონსტანტინე მორგოშია, ზურაბ მახარაძე და სხვები. პარტიის თავმჯდომარედ დამფუძნებელ ყრილობაზე ზურაბ მახარაძე აირჩიეს.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“